MINBIC - Li navçeya El-Heye ya Minbicê di nava welatiyên li dijî gefên Tirkiyeyê yên li dijî Minbicê ku meş li dar dixistin de teqîn pêk hat. Nûçegîhanên ANHA’yê diyar kirin ku birîndar hene.

 

Li gor agahiyên herî dawî 15 kes birîndar bûn, di nav de zarok jî hene. 

 

Li Cerablûsê 2 teqînên hemwext

 

Li gor agahiyên ku ji ANHA'yê re hat ragihandin, îro di saetên sibê de li bajarê Cerblusê  2 erebeyên bombebarkirî teqiyan. Li gorî agahiyên destpêkê di encamê de ziyanên madî pêk hatiye.

 

Heman çavkanî destnîşan kir ku teqînek li rex Şirketa Ceyranê  û teqîna duyemîn jî li kolana 20'an a taxa Bakur li rex kargeha Bilatan a li navenda bajar pêk hatiye.

 

Li gorî agahiyên hatine bidestxistin, di encama teqînan de tenê ziyanên madî pêk hatiye.