WAN / BEDLÎS - Li gelek navçeyên Wanê tevî astengiyên polîs û jandarmayê gel herikîn dibistanan dengê xwe bi kar anî û dibistan terk nekir. 

 

Li Wanê bikaranîna dengan serê sibehê saet di 08.00'an de dest pê kir. Ji bo kes dengan nedizin gelê Wanê serê sibehê saet di 06.00 de baxçeyên dibistanan tije kirin. Kesên ku dengê xwe bi kar anî dibistan terk nekirin. 

 

Li Şaxê êrîşî endamên sindoqan kirin

 

Li Navçeya Şaxa Wanê kesên AKP'yî û navên wan Îskender Şeylar û Îsmet Şeylar êrîşî wesayeta endamên sindoqan ên HDP'ê kirin. Jandarmayê mudaxaleyî kesên êrîşkar nekirin. 

 

Gel bertek nîşanî astengkirina jandarmayê da

 

Li navçeya Sêrê ya Wanê jandarma bû asteng ku gel dengên xwe bi kar bînin. Gel bertek nîşanî vê yekê da. Jandarmayê xwest ku hinek ciwanan bixin bin çavan lê bi mudaxaleya parêzaran ew ciwanan serbest hatin berdan. 

 

Her wiha li Dibistana Seretayî ya bi navê Vali Mithat jî polîsan kontrola GBT'ê ya gel kir. Di nav muşait û polîsan de nîqaşên biçûk derket. Parêzer ketin dewrê û nîqaş bi dawî bû. 

 

Bedlîs

 

Her wiha li gundê Çilxora Tetwana Wanê hat diyarkirin ku muşahitên HDP'ê ji aliyê cerdevanan hatine derbkirin.