MÊRDÎN - Komîteya Tertîpê ya Newroza Nisêbînê prosedura fermî ya ji bo Newroza ku dê di 21'ê Adarê de bê pîrozkirin, temam kir. Dê Newroz li Parka Cegrxwîn bê pîrozkirin. 

 

Serîlêdana ji bo pîrozbahiya Newroza Nisêbînê hat êrêkirin. Dê Newroza Nisêbînê bi dirûşma "Bi rihê Newrozê em serîhildanê bilind bikin, li Efrînê em bi ser bikevin" saet 10.00 de li Parka Cegerxwîn bê pîrozkirin.  

  

Ji bo pîrozbahiya Newrozê Parlamenterê HDP'ê yê Mêrdînê Ali Atalan û rêxistinên bajar û navçeyan ên HDP û DBP'ê serdana bazirganan kirin û belavok belav kirin. 

 

Heyeta ku banga tevlîbûna pîrozbahiyê kir ji aliyê welatiyan ve bi coşeke mezin hatin pêşwazîkirin.