MÊRDÎN - Li kuçeya Zeynel Abidin a Nisêbînê ya ku bingeha TOKÎ'yê tê avêtin cenazeyek hat dîtin. Derbarê nasnameya cenaze de agahiyek nehat bidestxistin. Heta niha 16 cenaze ji kuçeyên ku bingeha TOKÎ'yan lê hat avêtin, hat derxistin. 

 

Piştî hilweşandina Nisêbîna Mêrdînê tevî hemû bertekên gel çêkirina TOKÎ'yan didome. Di encama çêkirina TOKÎ'yan de cenazeyek hat dîtin. 

 

Bi kepçeya yekem cenaze hat dîtin!

  

Li gor çavkaniyên gel ên ku li paş têlan li çêkirina TOKÎ'yan temaşe dikin anîn ziman ku bi kepçeya yekem cenazeyek hat dîtin. 

  

Piştî ku polîs hat cihê bûyerê cenaze bi betaniyê hat pêçandin û birin.

 

Heta niha herî kêm 16 cenaze hat derxistin

 

Li kuçeyên ku înşaata TOKÎ'yan lê çê dibe heta niha herî kêm 16 cenaze hat dîtin.