RIHA/WAN - Komîteya Amadekar a Newroza Rihayê, civîna çapemeniyê pêk anî û gel vexwend Newroza 21’ê Adarê roja Çarşemê.

 

Komîteya Amadekar a Newroza Rihayê, li avahiya  HDP’ê  ya Rihayê civîna çapemeniyê pêk anî û gelê Rihayê vexwend Newroza  21’ê Adarê ku wê  roja Çarşemê bê pîrozkirin.  Rêveber û endamên HDP û DBP’ê tevli civînê bûn. Endama Komîteya Amadekar Hîdayet Enmek, di civînê de axivî û wiha got: “Me hemû serlêdanên xwe yên fermî kirin.  Em ê Newroza xwe  li Qada Mîtîngê (ŞUTÎM yani) a Paşabagi saet 10.00’an de pêk bînin. Dê parlamenterên HDP’ê Celal Dogan, Dîlek Ocalan û Huda Kaya beşdarî pîrozbahiyên Newrozê  bibin. 

 

Piştî civînê, beşdarvanan guvenda destpêkê ya Newrozê gerandin.

 

Li Wanê Newroz

 

Li Wanê jî rêveberên HDP û DBP'ê belavok belav kirin û gel vexwendin mîtînga Newrozê ku wê li ber Keleha Wanê di 21'ê Adarê saet di 11.00'an de li Parka Ataturkê  bê lidarxistin.