AMED - Mala Jinê Kardelen a girêdayî Muduriyeta Xizmetê Malbatê û Jinan a Şaredariya Rezanê dîsa ket xizmeta jinan. 

 

Mala Jinê Kardelen a girêdayî Muduriyeta Xizmetê Malbatê û Jinan a Şaredariya Rezanê piştî hilbijartinên 31'ê Gulanê bi awayekî lezgîn dest bi xebatan kir. Xebatkarên li Mala Jinê Kardelen a li Taxa Kaynartepeyê di destpêkê de xwe gihandin jinên li taxê. Li gor daxwazên jinan odeyên lîstikê yên zarokan vebûn. Li vir çalakî bi zarokan re tên kirin. 

 

Jin hînî pîşeyan dibin

 

Ji bo jinan kursa kuafortuyê vebû. Li vir bi pisporan perwerde tê dayin û jin hînî pîşeyekê dibin. Yek ji xebatên Mala Jinê ya Kardelen jî kursên xwendin û nivîsandinê ne. 30 jin ji vê perwerdeyê sûdê digirin. 

 

Wê kursên nû vebin

 

Wê bi daxwazên jinan kursa aşpêjiyê jî vebe. Jin dema tevli atolyeyan dibin zarokên xwe jî datînin odeyên lîstikê. 

 

Koordinatora Mala Jinê ya Kardelan têkildarî kursan de axivî û got:"Li taxê ji du rojên hefteyê xebatên qadê tên kirin. Em diçin serdana jinan. Li gor pêdiviyan piştgiriya psikolog û pedagogiyê jî tê dayin. Em dixwazin dest jiyana jinan bidin."