ÎZMÎR - Bi boneya 2'yemîn salvegera qetilkirina Denîz Poyraz, Rêxistina HDP’ê ya Îzmîrê merasîma bîranînê li dar bixe. 

 

Di êrişa 17’ê hezîrana 2021’ê a li dijî avahiya Partiya Demokratîk a Gelan (HDP) a Îzmîrê de Denîz Poyraz ji hêla kujer Onur Gencer ve hate qetilkirin. Rêxistina HDP’a Îzmîrê dê bi boneya 2’yemîn salvegera qetilkirina Denîz Poyraz, merasîma bîranînê li dar bixe. Hevberdevkên Partiya Çepên Kesk Çîgdem Kiliçgun Uçar û Îbrahîm Akin û Parlamentera Partiya Çep a Kesk a Îzmîrê Burcugul Çubuk dê tevli bernameya bîranînê bibin. 

 

Bîranîn dê sibê saet di 11.00’an de bi serdana gora Denîzê dest pê bike. Saet di 16.00’an de jî dê li Rêxistina HDP’a Îzmîrê sînevîzyon bê pêşandan û piştre jî kursiya serbest bê danîn. Saet di 18.00’ê de jî dê li pêşiya avahiya partiyê daxuyaniyeke bi girseyî bê dayîn.