ENQERE - Nûçegihanên me Habîbe Eren û Oznûr Deger  jî di nav de doza 10 jê girtî 12 rojnamegeran wê îro li Dadgeha Cezayê Giran a 4'an a Enqereyê bê lidarxistin. 

 

Di çarçoveya lêpirsîneke Serdozgeriya Komarê ya Enqereyê de, di 29'ê Cotmeha 2022'yan de Midûra Karên Nivîsê Dîren Yûrtsever, nûçegihanên MA'yê Bêrîvan Altan, Ceylan Şahînlî, Denîz Nazlim, Emrûllah Acar, Hakan Yalçin, Selman Guzelyuz û nûçegihanên me Habîbe Eren û Oznûr Deger, rojnamevan Hamdûllah Bayram dê bi awayekî girtî û nûçegihana MA'yê Zemo Aggoz û Mehmet Gunhan ê ku demekê li buroya MA'yê ya Enqereyê staj kiribû jî dê bi awayekî negirtî, îro cara ewil derkevin pêşberî dadger. 

 

Nûnerên rêxistinên çapemeniyê û rojnameger wê li 4'emîn Dadgeha Cezayê Giran a Enqereyê dozê bişopînin. Rojnameger bi "endamtiya rêxistinê" tên tawanbarkirin.