AMED - Çalakiya greva birçîbûnê ya bê dem û ne dorveger a Leyla Guven ku li dijî tecîrda li Îmraliyê daye destpêkirin di roja 133'an de berdewam dike. 

 

Çalakiya greva birçîbûnê ya Hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) ya Colemêrgê Leyla Guven ku li dijî tecrîda li ser Rêberê PKK'ê Abdullah Ocalan dabû destpêkirin di roja 133'an de berdewam dike. Leyla ya ku di 25'ê Çileyê de ji girtîgehê hat tahliyekirin çalakiya xwe li mala xwe ya li taxa Bagcilar a Baglarê berdewam dike. Serdanên ji bo Leylayê berdewam dikin û dorpêça polîsan a li ber mala wê jî berdewam e. Piştî Leylayê bi heman daxwazê  li Herêma Federal a Kurdistanê çalakiya Nûnerê HDP'ê Nasir Yagiz di roja 120'an de, Li strasbourgê 14 kes û li Gallerê ya Îmam Şîş di roja 94'ê de. Ya Endama Meclisa Îştar Fadîle Tok di roja 60'an de, ya Hevseroka DBP'ê ya berê Sebahat Tuncel û ya parlamentera DHP'ê ya berê Selma Irmak ku li girîtgehê dane destpêkirin di roja 64'emîn de û li bajarê Toronto yê Kanadayê çalakiya Yusuf Îba ku daye destpêkirin di roja 67'an de berdewam dike.  Herwiha  Çalakiya girtiyên di greva birçîbûnê de ya koma yekemîn di roja 95'emîn de û çalakiya girtiyan ji 1'ê Adarê şûnde li hemû girtîgehan belav bû. 

 

Li avahiya HDP'ê ya bajêr çalakiya nobetê hat destpêkirin

 

Çalakiya ku parlamentera HDP'ê Dêrsim  Dag 3'yê Adarê de da destpêkirin û ya Parlamenterên Wanê Tayîp Temel û Murat Sarisaç ku di 8'ê Adarê de dest pêkirin jî berdewam dike. Bi parlamenteran re ji endamên partiyê Îsmet Yildiz, Sevîcan Yaşar, Salîh Tekîn û Bîlal Ozgezer piştî serdegrtina avahiya bajêr hatin binçavkirin û piştre jî hatin girtin, ji bo Salîh Cansever, Abdulhalik Kurt û Yusuf Ataş jî cezayê hepsa malê hat dayîn û çalakiya xwe berdewam dikin.  

 

Herwiha gelek kes jî ji bo piştevaniya bi çalakiya parlamenteran re li avahiya HDP'ê ya Amedê dest  bi çalakiya nobetê ya ku wê 2 rojan berdewam bike kirin. 

 

Kesên hatin tahliyekirin li malê çalakiyê berdewam dikin

 

Sedat Akin ê ku li girtîgeha Erzîcan a Tîpa T dest bi grevê kiribû piştî ku hat tehliyekirin  çalakiya xwe li malê di roja 73'emîn de berdewam dike. Gurbet Ektiren a ku di 15'ê çileyê de dest bi çalakiya grevê kir û hat tahliyekirin jî ji 8'ê Adarê de çalakiya xwe li mala xwe ya li Dêrika Mêrdînê berdewam dike di roja 64'an a greva birçîbûnê de ye.  Sema Akan jî di 14'ê Adarê de hat tahliyekirin û çalakiya wê ya ku li mala xwe berdewam dike di roja 75'emîn de didomîne. 

 

Malbata Zulkuf Gezen çû serdana Leyla Guven

 

Dayik û bavê Zulkuf Gezen ê ku li Gitîgeha Tekîrdagê ya Hejmar 2 li dijî tecrîdê çalakiya protestoyî pêk anî û jiyana xwe ji dest da çûn serdana Leyla Guven. Leyla ji malabta Zulkuf re sersaxî xwest û got: "Ez ji girtîgehê têm. Hestên zindanê gelek cuda ne. Ji bo ku moralê hevlên me yên li zindanê baş be ez li ber xwe didim.  Min nizanibû ku wê Zulkuf wî barê giran bide. Ez qurban Zulkuf. Bila cihê te bihşt be zûlkuf.  Te berxwedana Mazlûm dogan bijart.  Berxwedana Mazlûm Dogan piştî bi 40 salî di kesayeta hevrê Zulkuf Gezen de pêk hat. Hevrê Zulkuf  Mazlûm Doganê vê serdemê ye. "

 

Dayika Zulkuf jî wiha  got: "Hûn hemû ji bo min heman kesin. Bila dilê tu dayikan neşewite. Zulkuf beriya şehadeta xwe bi riya telefonê li me geriya lê me fam nekir ku xatir ji me dixwaze. Gelek bi coş bû lê me nizanibû ku coşa wî ji ber vê ye."