WAN - Li Wanê jin ji du hêlan ve bi bi cil û bergên xwe yên rengîn ên kurdî û bi lîlandinê bi awayê girseyê ketin qada mîtînga 8'ê Adarê ya Roja Jinan a Cîhanê. 

 

Meclisa Jinan a Partiya Demokratîk a Gelan (HDP) û Tevgera Jinên Azad (TJA) bi minasebeta 8'ê Adarê Roja Jinan a Cîhanê li Parka Musa Anter mîtîng li dar xistin. Jin ji avahiya HDP'ê ya navçeya Rêya Armûşê û ji Avahiya Bajêr a HDP'ê ya Wanê ji du hêlan ve bi meşeke girseyî ketin qada mîtîngê. Jinên ku bi cil û bergên xwe yên reng bi reng ketin qadê bi hev re ketin qadê dirûşmên "Jin jiyan azadî" û "Bijî berxwedan Leyla" berz kirin û govend gerandin. 

 

Li qada ku parnkartên cûr bi cûr lê hatin daliqandin piştî govenda hat girtin li bendê ye ku bername bê destpêkirin.