Siyasetmedara kurd Leyla Zana li Meclîsê bi kurdî axivî û bû rojeva Tirkiyeyê. Leylayê di sala 1991’ê de "Ji bo Gelê Kurd û Tirk" sond xwar. Ji ber vê sedemê bi êrîşên nijadî re rûbirû ma. 

 

Hin bûyerên girîng ku îro di dîrokê de pêk hatine wiha ne:

 

1991: Leyla Zana û Hatîp Dicle bi Partiya Gel a Demokrat a Çepgir (SHP) ketin hilbijartinê û bi ser ketin. Bi sekna xwe li Meclîsê bi êrîşan re rûbirû man. Di 6'ê mijdarê de li Meclîsê Leyla helwesta “Min ew sond ji bo Gelê Kurd û Gelê Tirk xwend” nîşan da. Hatîp Dîcle jî diyar kir ku ew wê metnê di nava zext û zordariyê de dixwînim. Derbarê herdu siyasetmedaran de êrîşên nîjadî dest pê kirin. 

 

2014: Di kêliya ku êrişên DAÎŞ'ê zêde bûbûn û bi 10 hezaran kes koçî sînorên Kobanê bûbûn Aktivîsta Mafên Jinan a ku li Zanîngeha Marmarayê lîsans dikir, Kader Ortakaya, li dijî hovîtiya ku dihat kirin bêdeng nema û li ser sînorên Kobanê di nava zîncîra mirovatiyê de cihê xwe girt. Kadera ku bi mehan ji zincîra mirovatiyê neqetiya ji aliyê leşkeran ve îro hat qetilkirin. 

 

2015: Sarwat El Şarawî (72) bi hinceta ku wê li hemberî leşkerên Îsraîlê êrîş pêk bîne ji hêla leşkerên Îsraîlê ve hat kuştin. 

 

2015: Ji hêla şaredariya Liceya Amedê ve Meclîsa Jinan hat avakirin. 

 

2017: Li bakûrê Îrlandayê kurtaj qedexe bû, ji ber vê sedemê gelek jin ji bo kurtajê berê xwe didan Îngilistanê. Li Îngilistanê bi pereyekî zêde kurtaj dikirin. Hikûmeta Îskoçyayê biryarek da û diyar kir ku jinên bakûrê Îrlandayê dikarin bên li vir bê pere kurtajê bibin. Biryara hikûmetê ji hêla jinan ve erênî hat dîtin. 

 

2020: Platforma Jinan a Dêrsimê bi armanca şermezarkirina Huseyîn Polat ê ku li Taxa Ataturkê li cihê kar tacîz li jinan kir, xwest li ber kargehê daxuyaniya çapemeniyê bidin. Polîsan li ber kargehê barîkat vekirin û nehiştin jin daxuyaniyê bidin. Li gel astengiyan jinan pankarta “Li Fîstîkçîoglû tacîz heye” vekirin û bi çepik û tilîliyan ev tacîz protesto kirin.

 

2020: Herat di pêşbirka di navbera tîmên futbolê yên jinan de di Lîga Neteweyî ya Afganistanê de bû şampiyon.

 

2021: Jin li avahiya navçeya Turgutlu ya Partiya Demokratîk a Gelan (HDP) li hev civiyan û avakirina Înîsiyatîfa Dayikên Aştiyê ya Manîsayê ragihandin.