AMED - Çalakiya nobetê ya parlamenterên HDP’ê ya li avahiya KCD’ê ji bo piştevaniya Hevseroka KCD’ê Leyla Guven û girtiyên li dijî tecrîda li ser Rêberê PKK’ê Abdullah Ocalan di greva birçîbûnê dene, di roja 8’emîn de berdewam dike.  

 

Çalakiya greva birçîbûnê ya Hevseroka Kongreya Civaka Demokratîk (KCD) û Parlementera HDP’ê ya Colemêrgê Leyla Guven a li dijî tecrîda li ser Rêberê PKK’ê Abdullah Ocalan di 8’ê Mijdara 2018’an de dest pê kir, di roja 92’yemîn berdewam dike. Partiya Demokratîk a Gelan (HDP) ji bo ku balê bikişîne ser greva birçîbûnê ya Leyla û girtiyan li avahiya KCD’ê dest bi çalakiya nobetê kiribû. Nobeta parlementerên HDP’ê di roja 8’emîn de berdewam dike û rastî eleqeyek mezin tê. 

 

Parlementera HDP’ê ya Îzmîrê Serpîl Kemalbay û Parlementera Sêrtê Meral Daniş Beştaş çalakiya nobetê ya îro dewr girtin. Gelek welatiyên bajêr û namzetên Hevşaredariya Hezro yên HDP’ê çalakiya nobetê ziyaret kirin.