Ferîde Zada

 

ŞEHBA - Jinên Efrînê yên li Şehbayê bi cih bûne derbarê êrîşên dewleta tirk ên li ser Sûriyeyê de gotin:"Em ê heta dawî li ser felsefeya Rêber Apo têkoşîna xwe bidomînin û heta ku Efrîn rizgar bibe em ê têkoşîna xwe bidomînin." 

 

Jinên Efrînê yên li Şehbayê bi cih bûne derbarê êrîşên dewleta tirk ên li ser Sûriyeyê de gotin:"Em ê tu carî dev ji axa xwe bernedin. Bila Erdogan baş bizanibe ku Efrîn ji wî re namîne. Em ê Efrînê ji destên dijminan rizgar bikin. Li dijî êrîşên dewleta tirk dê têkoşîna me bidome."

 

'Em tu carî serî li hember dijmin natewînin'

 

Endama Komîteya Kar û Barên Civakî ya Meclîsa Navçeya Ehdasê ya Şehbayê Fidan Îsa wiha got:"Efrîn dagir kirin niha jî êrîşî Şêrewayê dikin û dixwazin vir jî dagir bikin. Îradeya me xurt e em ê tu carî teslîm  nebin. Em tu carî serî li hember dijmin natewînin."

 

'Em hene û her tim em ê hebin heya Efrîn rizgar dibe'

 

Endama Komîteya Jinê ya Meclîsa Gundê Babinêsê ya Şehbayê Roken Xurto wiha got:"Dewleta tirk bi êrîşên xwe sivilan hedef digire. Dixwaze tiştên ku li EfrÎnê kiriye li Şêrewayê jî bikin. Lê em hene û her tim em ê hebin heya Efrîn rizgar dibe." 

 

'Axa Efrînê bi xwîna şehîdan hat avdan'

 

Jina bi navê Fatmê Hisên a ji gundê Senarê ya Kantona Efrînê ye jî wiha got:”Axa Efrînê bi xwîna şehîdan hat avdan. Dê Erdogan hesabê dagirkeriyê bide. Em ê heta dawî li ser felsefeya Rêber Apo têkoşîna xwe bidomînin û heta ku Efrîn rizgar bibe em ê têkoşîna xwe bidomînin.Em ê tu carî dev ji axa xwe bernedin. Bila Erdogan baş bizanibe ku Efrîn ji wî re namîne. Em ê Efrînê ji destên dijminan rizgar bikin. Li dijî êrîşên dewleta tirk dê têkoşîna me bidome."