STENBOL - 10 girtiyên din jî li 3 girtîgehên cuda beşdarî çalakiya greva birçîbûnê ya li dijî tecrîda li ser Rêberê PKK’ê Abdullah Ocalan hatibû destpêkirin û her ku diçe belav dibe bûn. Bi vî awayî hejmara girtiyên ketin greva birçûbûnê derket 291’an. 

 

Çalakiya greva birçûbûnê ya bêdem û bêdorveger a Hevseroka Kongreya Civaka Demokratîk (KCD)  û Parlementera Partiya Demokratîk a Gelan (HDP) ya Colemêrgê Leyla Guven a ji bo rakirina tecrîda li ser Rêberê PKK’ê Abdullah Ocalan dabû destpêkirin, li girtîgehan belav dibe. 

 

Berxwedana Leyla Guven di roja 90’emîn de, çalakiya Endamê Meclîsa HDP'ê Nasir Yagiz a li Hewlerê di roja 77'emîn de, çalakiya 14 çalakgerên li Strasbaurg û ya Îmam Şîş a li Gallerê di roja 51'an de, çalakiya 35 girtiyên ku di 16'ê Kanûnê de li 10 girtîgehan dest pê kirin di roja 52'yemîn de, çalakiya 10 girtiyên di 17’ê Kanûnê de li 3 girtîgehan dest pê kirin di roja 51’an de, çalakiya 35 girtiyên di 26’ê Kanûnê de li  13 girtîgehan dest pê kirin di roja 42’yemîn de, çalakiya girtiyên di 27’ê Kanûnê de dest pê kirin di roja 41’emîn de, çalakiya 11 girtiyên di 28’ê Kanûnê de dest pê kirin di roja 40’emîn de, çalakiya girtiyên di 2’yê Çile de dest pê kirin di roja 35 emîn de û çalakiya ji sed girtiyan zêdetir di 5’ê Çile de li 26 girtîgehan dest pêkirin jî di roja 32’yemîn berdewam dikin.  

 

Çalakiya greva birçîbûnê ya Hevseroka Giştî ya Partiya Herêmên Demokratîk a berê Sebahat Tuncel û  Parlementera HDP’ê ya berê Selma Irmak a di 15’ê Çile de dest pê kirin di roja 21’emîn berdewam dikin. 

 

Li gorî agahiyan, navê girtiyên di 17’ê Çile û şûn de ketine grevên birçîbûnê wiha ye:

 

17’ê Çile

 

Girtîgeha Tîpa F a Hejmara 1 a Kiriklar a Îzmîrê: Erdal Polat, Samî Ozturk û Abdullah Oral

 

27’ê Çile  

 

Girtîgeha Tîpa E ya Gumuşhanê: Huseyîn Bîngol, Hamza Arzûman, Reşît Îlhan, Îmdat Bîngol, Halîl Oztek

 

28’ê Çile

 

Girtîgeha Tîpa T a Hejmar 2 a Tekîrdagê: Ramazan Ozlu û Velat Duman