STENBOL - Komîsyona Girtîgehan a ÎHD'a Stenbolê,  der barê rewşa çalakgerên greva birçîbûnê yên li girtigehên Herêma Marmarayê de daxuyanî da. Komîsyona ÎHD'ê xwest di serî de daxwazên Leyla Guven  û hemû girtiyên din pêk bên û tecrid bi dawî bibe. 

 

Komîsyona Girtîgehan a ÎHD'a Stenbolê,  der barê rewşa çalakgerên greva birçîbûnê yên li girtigehên Herêma Marmarayê de li avahiya ÎHD'ê ya Stenbolê civîna çapemeniyê pêk anî. Li salona ÎHD'ê pankarta “Bila tecrîd rabe û kes nemire!" vekirin. Endama Komîsyona Girtîgehan a Şaxa ÎHD'ê ya Stenbolê Hatice Onaran daxuyanî da û wiha got: "Hevseroka KCD'ê Leyla Guven di 8'ê Mijdara 2018'an de  li dijî tecrîda li Îmraliyê dest bi çalakiya greva birçîbûnê kiriye. Disa bi daxwazên Guven li gelek girtîgehên din dest bi çalakiyên greva birçbînûnê kirine. Sedema grevê li dijî tecrîd izole û înkarê ye. Li îmraliyê bi awayekî keyfî tecrida giran tê meşandin. 

 

Hatîce, destnişan kir ku tecrîd hepsa hurceyê ye û wiha berdewam kir: "Di serdema 12'ê Îlonê de yên tecrîd dikirin davêtin hucereyê. Piştî êrîşên 19'ê Kanûna 2000'an li girtîgehan tîpên F hatin vekirin. Tecrîd bi hucreyên yek kesî û 3 kesan hat girankirin. Tecrid bi tîpa F kirin mayindekirin. Her hefte mafê hevdîtnek girtî, mehê hevdîtinek vekirî heye. Her hefte mafê hevdîtinek telefonê heye. Girtiyên rastî muebetê tên jî rêgezên qanûna bingehîn binpê dikin û ji 2 mehan carekê dikarin hevdîtina vekirî bikin. Bi awayekî keyfî mafê wan tê binpêkirin û rastê cezayê dîsîplînê tên. Li Îmraliyê bi awayekî keyfî tecrîdek girankirî heye. Mafê hevdîtina malbat û parêzeran ji destê wan hatiye girtin. Bi salan e parêzer nikarin biçin hevditinê. Ev tecrid garabeta hiqûqê ye. Li dijî mirovahiyê ye."  

 

'Dawî li tecrîdê bînin'

 

Hatîce, destnîşan kir ku wekî parêzvanên mafên mirovan, dixwazin di serî de daxwazên Leyla Guven û hemû girtiyên ku li dijî tecrîdê ketine grevê pêk bê û demek beriya demekê tecrîd bi dawî bibe û wiha got: "Kesên ku ketine grevê divê daxwazên wan ên şekir, xwê, av, vîtamînên B1  û B  yên jiyanê bên temînkirin. Divê dawî li hemû êrîşên li dijî girtiyên di grevê de ye bê. Em bang li rayedaran dikin ku demek beri demekê daxwazên girtiyan pêk bînin û tecridê bi dawî bikin. Em dibêjin bila tecrîd bi dawî bibe û kes nemire." 

 

Endama Komîsyona Girtîgehan a ÎHD'a Stenbolê Prz. Zeynep Ceren Boztoprak jî bal kişand ser çalakiya Guvê û wiha got: “Ewil Leyla Guven dest bi grevê kir. Piştre girtiyên li girtîgehên Tirkiye û Kurdistanê dest bi grevê kirin. Ev hêjmar her ku diçe zêde dibe. Me berê wekî OHP, ÇHP, ÎHD û TİHV'ê diyar kir ku em şopdarê vê pêvajoyê ne û me dê bişopinin. Me xwestibûn yeki heyetên serbixwe biçin girtîgehan lêkolîn bikin. Me ji cemaweriyê re gotibû ku em dixwazin biçin lêkolîn bikin. Di vê çarçoveyê de em li girtîgehan ziyaretan dikin. Niha li girtîgehên Tirkiye û Kurdistanê zêdeyî 200 girtî di greva birçîbûnê ya bêdem û bêdorveger de ne. Li herêma Marmara ev hêjmar zêdetir e. Li Girtigeha Duzce yên ketine grevê ew cuda kirine. Cezayê hucreyê û dîsîplînê li wan birîne. Niha yên di grevê de ne li hucreyên cuda tên girtin. Niha mafê wan ên tenduristiyê tên îhlalkirin. Niha li gelek girtîgehan Vîtamîna B nadin girtiyan. Divê rêveberiya girtigehan Vîtamîna B1  temîn bike. Lê bi hinceta li Tirkiye tune nadin girtiyan. Girtîgeh vîtamina B12 jî nadin. Divê malzemeyên tansiyonê li girtîgehê hebin. 

Bêhiqûqiya li Îmraliyê ji bo ÎHD  û hiqûqê bi tu awayî nayê qebûlkirin. Niha Brêz Abdullah Ocalan di bin tecrîda giran de tê girtin. li gel wî girtiyên din jî di bin tecrîdê de tên girtin. Em wekî parazvanên mafên mirovan dixwazin hiqûq pêk bê. Em dixwazin mafên wan ên hiqûqî û mirovî bên parastin."