Rozerîn Gultekîn

 

STENBOL - Parêzera Buroya Hiqûqê ya Asrînê Raziye Ozturk, li ser daxuyaniyên Serokê Giştî yê MHP'ê Devlet Bahçelî yên der barêtecrîda girankirî ya li ser Rêberê PKK'ê Abdullah Ocalan û 'Mafê hêviyê' de nirxand û got: "Nirxandineke saxlem tenê bi vekirina deriyên Îmraliyê û nirxandina Birêz Ocalan dikare bê kirin. Birez Ocalan ku muxatabê sereke ye."

 

Li gel ku bi rojan e li raya giştî nîqaşên "Pêvajoya çareseriyê" dewam dikin, Serokê Giştî yê MHP'ê Devlet Bahçelî di civîna koma partiya xwe ya heftane de tecrîda li ser Rêberê PKK'ê Abdullah Ocalan qebûl kir û Di sala 2014'an de Dadgeha Mafên Mirovan a Ewropayê (DMME) biryara binpêkirina "Mafê Hêviyê" da, lê 10 sal in derbarê îhlalkirinê de jî tu gav nehat avêtin. 

 

Parêzera Buroya Hiqûqê ya Asrînê Raziye Ozturk der barê geşedanên heyî de nirxandinan kir.

 

'Divê gavên berbiçav biavêjin'

 

Raziye diyar kir ku ew girîngiyê didin geşedan û daxuyaniyên ku tên dayîn, Raziye destnîşan kir ku bi salane ji bo gavên berbiçav biavêjin têkoşin dane û got ku hêviya wan a bingehîn avêtina gavên berbiçav e û wiha bi lêv kir:  "Divê tecrîda li ser Birêz Ocalan bê rakirin û mafê tenduristî, ewlehî û azadiyê bê avakirin. Birêz Ocalan piştî ku birin Girtîgeha Girava Îmraliyê di nav tecrîda de ye. Rejîma ku birêz Ocalan tê de bû û pê re derbas bû, her çiqas li gorî hiqûqa navneteweyî, biryarên DMME û rapora CPT’ê neyê qebûlkirin û li dijî qedexekirina îşkenceyê hatibe dîtin jî, her çiqas li gorî hiqûqa navneteweyî, biryarên DMME’yê û rapora CPT’ê neyên qebûlkirin jî, rêgezeke dijwar dimeşand. Bi salan e destûr nayê dayîn ku birêz Ocalan mafên xwe yên qanûnî û bingehîn bikar bîne. Em parêzer ji Tebaxa 2019’an û vir ve destûr nadin ku bi Birêz Ocalan re hevdîtinê bikin. Lê belê birêz Ocalan di nava şert û mercên awarte de bi rêya telefonê bi malbata xwe re axivî û got, 'Divê qanûn bê sepandin û ya hiqûqî ew e ku parêzerên bên'. Dîsa ji Adara 2020’an û vir ve destûr nadin malbatan ku pê re hevdîtinê bikin. Ev 44 meh in me qet xeber jê negirt. Piştî serlêdana me, Komîteya Mafên Mirovan a Neteweyên Yekbûyî du caran daxwaz kir ku 'dewleta incomminicado (nebûna mutleq a ragihandinê) bi dawî bibe û hevdîtinên parêzeran bê astengî bên kirin'. Lê belê ev biryar pêk nehat. Li ser hebûna tecrîdê şik tunebû, li Îmraliyê tecrîda li ser tê înkarkirin jî hebû. Bahçelî bi daxuyaniya xwe hebûna tecrîda li Îmraliyê qebûl kir. Tecrîd ne qanûnî û ne jî însanî ye, divê bê rakirin."

 

'Pêwiste guhertinan çêbike'

 

Raziye mafê hêviyê wiha nirxand: "AÎHM'ê bi biryara xwe ya di sala 2014'an de ya der barê Birêz Ocalan de biryar da ku cezayê muebbetê yê giran ku destûr nade serbestberdana bi şert û heta mirinê di girtîgehê de bimîne, berovajî qedexekirina îşkenceyê û ji ber ku ev mijar li dijî mafê hêviyê ye divê guhertineke qanûnî bê kirin. Piştî biryarê li şûna guhertinên di sîstema yasayî de bên kirin, rêbazeke ku qebûl nekir û cîbicîkirina biryarê paşxist. Lijneya Wezîran a ji pêkanîna vê biryarê berpirsyar e, nêzîkatiyeke paralel girt. Tirkiye ji sala 2014'an û vir ve di qanûnên xwe yên qanûnî de pêwîste guhertinan çêbike."

 

'Ocalan muxatabê sereke ye'

 

Di dawiyê de Raziye ev daxuyanî da: “Nîqaşên ku li ser Birêz Ocalan tên kirin, rewşa muxatab û asta bandora Birêz Ocalan eşkere dike. Ev rewş wekî berê gelek caran hatiye jiyîn careke din hatiye piştrastkirin.  Eger ku deriyên Îmraliyê bên vekirin û birêz Ocalan ku muxatabê sereke ye fikr û ramanên xwe bîne ziman, nirxandineke saxlem pêkan e."