NAVENDA NÛÇEYAN - Ji bo Efrînê kampanyayeke navneteweyî dest pê dike. Ji kesayetên navdar ên cîhanê koordînasyonek ava bû. 24'ê Adarê wê li tevahiya cîhanê ji bo Efrînê meş bê kirin.

 

Platforma Xwedîderketina li Efrînê ya Ewropayê, ji bo hêzên navneteweyî li dijî êrîşên li ser Efrînê bixe nava liv û tevgerê dest bi hewldanan kiribû.

 

Kampanya navneteweyî ya ji bo Efrînê ji aliyê akademîsyen, nivîskar, nûnerên rêxistinên civakî yên sivîl, siyasetmedar, parlamenter ên li cîhanê navdar in û komên dostaniya bi Kurdan hate destpêkirin. Di çarçoveya kampanyayê de koordînasyoneke navneteweyî ava bû.

 

Di çarçoveya kampanyayê de biryar hate dayin ku roja 24'ê Adarê li gelemperiya cîhanê meşên protestoyî bên lidarxistin. Kampanya heta ku dagirkerî biqede wê bi semîner, konferans û çalakiyên cihêreng li her derê biome.

 

Platforma Xwedîderketina li Efrînê ya Ewropayê ragihandibû ku wê 19'ê Adarê li ber avahiya Neteweyên Yekbûyî ya li Cenevreyê çalakiya greva birçîbûnê pêk bîne. Gelek parlamenter, şaredar û rewşenbîr wê tevlî çalakiyê bibin.

 

Di çarçoveya van çalakiyan de di navebera  19 û 29'ê Adarê de jî wê di serî de li Bruselê wê li gelek navendên girîng ên ewropayê çalakiyên cur bi cur bên lidarxistin.  

 

 

Daxwazên platformê wiha ne:

 

"*Neteweyên Yekbûyî (NY) divê bi lezgînî bicive, ji bo Tirkiye li gorî biryara agirbestê ya li Sûriyeyê tevibgere biryarên pêkanînan bigire û mekanîzmayên xwe bi kar bîne.

 

*Ev dagirkeriya dewleta Tirk li gorî qanûn û pîvanan sûc e. Ji ber vê yekê divê ji aliyê dîplomatîk, aborî û leşkerî ve tavilê ambargo li ser dewleta Tirk bê ferzkirin.

 

*Ji bo careke din êrîşa dagirkeriyê neyê kirin, pêşî li jenosîdê were girtin û li herêmê aramî û ewlekarî bibe, seranserê sînorê Bakurê Sûriyeyê weke 'herêma li firîna balafiran qedexe' bê ragihandin.

 

*Ji bo pêşî li kuştina zarok, extiyar, jin û mirovên nexweş were girtin, hemû saziyên navneteweyî alîkariya însanî û tenduristiyê bidin gelê Efrînê.

 

*Efrîn di nava 7 salên şerê Sûriyeyê de herêma herî aram û demokratîk e. Divê Tirkiye ji ber êrîşên xwe, ji ber kuştina jin û zarokan, ji ber komkujiya sivîlan li dadgehên navneteweyî were darizandin. Em bang li raya giştî ya demokratîk, Yekîtiya Ewropa, Neteweyên Yekbûyî û hemû saziyên navneteweyî dikin ku bi erk û berpirsyariya xwe rabin."

 

Navên kesên ku piştgiriyê didin kampanyayê wiha ye:

 

îllo Sîgurdsson- Danîmarka  

Andy Carl     

Angîe Gonzales-Hollanda 

Ahmet Insel -Fransa 

Ana Marîa Palacîos-Herêma BASK'ê 

Arturo Salerni-Îtalya  

Barbara Spînellî-Îtalya  

Benjamîn Abtan   

Costas MAVRIDES    

Davîd Graeber-Ingîlistan  

Debbîe Bookchîn-ABD 

Engîn Sustam- Fransa 

Estella Schmîd     

Fabîo Marcelli-İtalya  

Federîco Venturînî-Ingîlistan  

Georges Henrî Beauthîer-Belçîka

Gêrard Chalîand-Fransa

Hayko Bağdat-Turkiye 

Heîke Geîsweîd-Almanya 

Husnu Yîlmaz-Swîsre 

Janet Bîehl-DYA

Jonathan Spyer-Israîl

Joost Jongerden-Hollanda  

Joseph Ryan-Ingîlistan  

Julie WARD       

Jun Sasamoto-Japonya 

Jurgen Klute -Almanya  

Karîane Westrheîm     

Laurence Roques-Fransa  

Leo Francis -Afrîka   

Dr Les Levîdow     

Lotta( Lîse-Lotte) Johnsson Fornarve-Swîsre

Louîse Regan-Ingîlistan 

Ludo De Brabander      

Margaret Owen     

Marîe-Chrîstîne Vergiat     

Miren Gorrotxategi Azurmendî-Spaîn  

Noura Raad-Fransa  

Ogmundur Jónasson-Îzlanda

Oîhana Etxebarrîeta-Herêma BASKÊ 

Olîvier Steîn-Belçîka  

Patrîce Franceschî- Fransa  

Patrîck Le Hyarîc-Fransa  

Robert Sabata Grîpekoven-Katalonya

Sîmon Dubbîns-Kraliyeta yekbûyî    

Stefano Squarcîna-Îtalya 

Stéphane Breton-Fransa  

Teresa Forcades     

Thomas Jeffrey MÎley-Kiraliyeta Yebûyî  

Thomas Schmîdt-Almanya  

Tony Sîmpson-Kiraliyeta Yekbûyî 

Torre Pascal-Fransa

Vanîa Silva Martîns-Portekîz 

Dr Vîckî Sentas     

Yves-Jean Gallas-Fransa