AMED - HDP'yî ji bo Newroza ku dê bi şîara "Newroz serîhildan e, Li dijî faşîzmê dê gel bi ser bikevin" bê pîrozkirin, kolan bi kolan geriyan û gel vexwendin Newrozê. 

 

Li Amedê xebatên Newrozê yên ku dê bi şîara "Newroz serîhildan e, Li dijî faşîzmê dê gel bi ser bikevin" bê pîrozkirin, xebat bê navber didome. Li Yenişehir, Peyas, Sûr û Rezan HDP'yî û gel hatin ba hev. Parlamentera HDP'ê Sîbel Yigitalp û xebatkarên HDP'ê Seyrantepeya Yenişehirê belavokên ji bo Newrozê belav kirin. 

 

HDP'yî ji aliyên gel bi awayekî bi coş hatin pêşwazîkirin û gel anî ziman ku dê li dijî êrîşên li ser Efrînê qadên Newrozê bi milyonan tije bikin. 

 

Dê belavkirina belavokan heta êvarî bi dawî bibe.