MÊRDÎN - Li navçeya Qoserê ya Mêrdînê ji bo Newrozê civînên gel hat çêkirin.

 

Xebatên Newroza ku dê bi şîara "Newroz Berxwedan e. Li Dijî Faşîzmê Bihara Gelan e." bê pîrozkirin, dest pê kir. Ji bo Newroza Mêrdîn li Qoserê civîna gel hat çêkirin. Civîna gel li avahiya Partiya Demokratîk a Gelan (HDP) hat çêkirin. Hevserokên navçe û bajaran ên HDP'ê û DBP'ê û gelên Qoserê beşdarî civînê bûn.

 

Gel di civînê de anî ziman ku ew ê bi rihê 8'ê Adarê û bi rihê serîhildana Efrînê biherikin qadên Newrozê û hemû gelê Mêrdînê dawetî Newroza ku dê di 17'ê Adarê de li Qada Newrozê ya Qoserê bê lidarxistin, kir.

 

Civîna gel bi tilîlî û çepikan bi dawî bû.