ŞENGAL - Li navenda bajarê Şengalê ji bo avakirina Meclîsa Gel a navenda bajarê Şengalê civînek hat çêkirin. 

 

Li navenda bajarê Şengalê ji bo avakirina Meclîsa Gel civînek hat çêkirin. Civîn ji bo berxwedêrên azadiyê bi deqeyek rêzgirtin dest pê kir. Civîn ji aliyê Hevseroka Meclîsa Xweseriya Demokratîk Rîham Hico ve hat birêvebirin. Di civînê de ji bo delegeyan rêziknameya meclîsê hat xwendin û komînên wê hatin diyarkirin. 

 

Rîham Hico diyar kir ku ji bo rêxistin û birêvebirina gelê Şengalê divê em xebat û civînên bi vî rengî bikin û wiha got:"Gelek Şengalî vegeriyan ser axa xwe. Divê em hemû bibin yek bixebitin da ku ji pêdiviyên hev re bibin bersiv. Loma avakirina Meclîsa Gel a Şengalê girîng e. Em hêvî dikin ev civîna ji bo avakirina Meclîsa Gel rê ji gelek çareseriyên mayinde veke."