NAVENDA NÛÇEYAN - Di kampanyaya haştagê ya ku şevê din bi minasebeta rojbûna Rêberê PKK'ê Abdullah Ocalan li ser medyaya dîjîtal hat destpêkirin de peyama “Ji Rêber Apo re demildest azadiya fîzîkî” derket pêş. 

 

Kampanyaya bi navê “#FreedomForOcalanNow” li ser torên medyaya dîjîtal şevê di saet di 20.00'an de hatiye destpêkirin û didome.

 

Bi destpêka kampanyayê re ji çar aliyên Kurdistanê û cîhanê gelek kes beşdar bûn û bal kişandin ser tecrîda girankirî, her wiha banga azadiya fîzîkî ya Abdullah Ocalan kirin.

 

Di nava beşdaran de gelek siyasetmedar, rojnamevan û parêzer jî hene.

 

Bikarhêneran di peyamên xwe de wêne û gotinên  Abdullah Ocalan parve kirin û navnîşanên saziyên navnetewî yên wekî CPT û NY (Neteweyên Yekbûyî) jî îşaret kirin.

 

Hinek bikarhêner û peyamên wan wiha ne:

 

* Hevserokê PYD'ê Salih Muslim: Berî her tiştî Rêber APO bi felsefe, fikir û ramana xwe zincîrên koletiya gelê Kurd şikandin. #FreedomForOcalanNow."

 

*Hevserokê Kongreya Gel Remzî Kartal: Azadiya Rêber APO, azadiya gelê me ye, azadiya jinê ye. #FreedomForOcalanNow."

 

* Endama Têkiliyên Derve ya Meclisa Îştarê ya Wargeha Mexmûrê Leyla Arzu: Bi hêviya ku bi hêza jinên Kurd ên têkoşer em ê azadiya fizîkî ya Rêber APO mîsoger bikin û di Kurdistanek azad de bijîn. #FreedomForOcalanNow."

 

*Parlementerê HDP'ê Omer Ocalan: "Temenekî di rêya aştî û demokrasiye hatî bexşandin. Hewldan û xîreta wî her tim ji bo çareseriyê bû, lê îro êrişên giran lê tên kirin û tecrîd li ser heye. 4'ê Nîsanê rojbûna birêz Ocalan pîroz be."

 

*Buroya Hiqûqê ya Asrinê: "Divê pergala nepêwendî û îşkenceyê ya mutleq a li Îmraliyê bê feshkirin û azadiya fîzîkî ya birêz Ocalan pêk bê. #FreedomForOcalanNow"

 

*Rojnamevan Erdal Er: Ji bo demokrasî, aştî, wekhevî û azadiyê; tekane rê azadiya fîzîkî ya Rêberê Gelê Kurd Abdullah Ocalan e. #FreedomForOcalanNow."

 

*Rojnamevan Seyît Evran: Rêber APO rêberê sosyalîzma demokratîk e. #FreedomForOcalanNow."