NAVENDA NÛÇEYAN - Li navçeya Til Rifetê ya kantona Efrîn û Şehbayê bi boneya rojbûna Rêberê PKK'ê Abdullah Ocalan ‘Parka Rêber Apo’ hate vekirin.

 

Meclisa Til Rifetê bi boneya rojbûna Rêber Abdullah Ocalan li navçeya Til Rifetê ya kantona Efîn û Şehbayê parkek bi navê ‘Parka Rêber Apo’ vekir.

 

Şênî ji sûka Til Rifetê heya parkê meşiyan û li ser rê dar çandin. Li Parka Rêber Apo li ser navê Partiya Yekitiya Demokratîk (PYD) a navçeyê Silava Hesen axivî û rojbûna Abdullah Ocalan li pîroz kir.

 

Silava diyar kir ku bi saya fikir û felsefeya Abdullah Ocalan jin ji bindestiyê û koletiyê xelas dibin.

 

Silava 4’ê Nîsanê li Abdullah Ocalan pîroz kir û soz da ku ji bo şikandina tecrîdê, heta ku çanda azadiyê li hemû cîhanê bibe tekane şêwazê jiyana azad dê têbikoşin.

 

Her wiha dar hat çandin û bi gerandina govendê şahî bi dawî bû.