NAVENDA NÛÇEYAN – Parastina Sivîl a Sûriyeyê daxuyand ku erdheja Hatayê li Sûriyeyê jî hatiye hîskirin û gelek birîndar hene. 

 

Erdhejên bi pileya 6,4 û 5,8'an ên li navçeya Samandagi û Defne yên Hatayê çêbûn, li bajarên Îdlib, Heleb, Hama, Efrîn, Ezaz, Cerablûs, el-Bab û Tel Ebyadê yên Sûriyeyê jî hat hîskirin.

 

Li gor daxuyaniya Parastina Sivîl a Sûriyeyê, li Sûriyeyê hin kes ji ber erdhejê birîndar bûne. Li bajaroka Cinderesê ya Efrînê jî 2 avahî û minareyeke ku berê xesar dîtibûn hilweşiyan û li Heleb û Îdlibê jî hin avahî xesar dîtine.  

 

Hat ragihandin ku birîndar tên dermankirin û xebatên ji bo tespîtkirina xesarê didomin