NAVENDA NÛÇEYAN - Li Meletiyê di encama erdehejê de herî kêm 140 avahî hilweşiyan, 23 kesan jiyana xwe ji dest dan û 420 kes jî birîndar bûn. 

 

Li navçeya Pezercix a Mereşê bi pileya 7,8 û li Dîlokê jî bi pileya 6,5 erdhej çêbû. Bîlançoya erdhejê her ku diçe girantir dibe. Yek ji bajarên ku erdhejê herî zêde bandor lê kirî Meletî ye. Li gorî agahiyên destpêkê, heta niha herî kêm cenazeyên 23 kesan ji bin xerabeyên avahiyan hatine derxistin. Têkildarî mijarê Walîtiya Meletiyê daxuyanî da û da zanîn ku herî kêm 140 avahî hilweşiyane. Walîtiyê diyar kir ku cenazeyên 23 kesan di bin xerabeyan de hatine derxistin. Her wiha 420 kesên birîndar jî hatin rizgarkirin. Xebatên lêgerînê yên li ser xerabeyên avahiyan dewam in. 

 

Li Elbîstanê 6 avahî hilweşiyan

 

Li gor agahiyên destpêkê li navçeya Elbîstanê 6 avahî hilweşiyane û 2 kesan jiyana xwe ji dest dane. 

 

Ji ber erdheja li navçeya Bazarcix a Mereşê (7.4 pile) û ya li Dîlokê (6.5 pile), li Bazarcixê xetên telefonê qut bûn. Pêwendî bi navçeyê re nayê danîn. 

 

Li gor agahiyên destpêkê li navçeya Elbîstanê jî 6 avahî hişweşiyane û 2 kes jiyana xwe ji dest dane û gelek kes jî birîndar bûne.