NAVENDA NÛÇEYAN - Meclisa Kongra Star a Şamê li dijî tecrîda li ser rêber PKK’ê Abdullah Ocalan greva birçîbûnê da destpêkirin.

 

Meclisa Kongra Star a Şamê bi armanca şermezarkirina tecrîda li ser Rêberê PKK’ê Abdullah Ocalan çalakiya greva birçîbûnê ya du rojan da destpêkirin. 

 

Endama Meclisa Kongra Star Zeyneb Mihemed tecrîda li ser Abdullah Ocalan şermezar kir û got: “Îro salvegera şehîdbûna jina têkoşer Viyan Soran e. Viyan Soran li hember komploya dermirovî ya li dijî rêber Ocalan bedena xwe da ber agir.”

 

Endama rêveberiya Meclisa Kongra Star a Şamê Berçem Yûsif axivî û wiha anî ziman: "Em ji bo şermezarkirina tecrîda li ser rêber Ocalan û di salvegera şehadeta şehîd Viyan Soran de vê greva birçîbûnê radigihînin. Şehîd Viyan Soran xwedî rihê fedaî ye ku li hember komploya navneteweyî ya li dijî Rêber Ocalan agir  berda benda xwe."

 

Piştre sînevîzyonek li ser jiyana Abdullah Ocalan hat pêşandan. 

 

Endamên Meclisa Malbatên Şehîdan, Partiya Yekitiya Demokratîk (PYD), Tevgera Ciwanên Şoreşger a Sûriyeyê , navenda Çand û Hunerê, komîn û Meclisa Kongra Star serdana yên ku ketine greva birçîbûnê, kir.