NAVENDA NÛÇEYAN - Înîsiyatîfa Gel a Bakur û Rojhilatê Sûriyeyê bi hevkariya Înîsiyatîfa Azadîya Rêberê PKK'ê Abdullah Ocalan li dijî tecrîda girankirî, dest bi komkirina îmzeyê kir.

 

Însiyatîfa Gel a Bakur û Rojhilatê Sûriyeyê ku ji nûnerên tevahî pêkhateyên herêmê pêk tê bi daxuyaniyekê kampanyaya komkirina îmzeyê da destpêkirin û banga bidawîkirina tecrîda li ser Rêberê PKK'êAbdullah Ocalan kir.

 

Kampanya bi dirûşma “Gelên Bakur û Rojhilatê Sûriyeyê banga bidawîkirina tecrîda li ser Rêberê Gelê Kurd Abdullah Ocalan û pêkanîna azadiya wî ya fîzîkî dikin” dest pê kir.

 

Daxuyaniya ku li pêşiya avahiya Tevgera Civaka Demokratîk (TEV-DEM) ya li Qamişlo hat dayîn, ji aliyê endamên însiyatîfê Xufran Kewkeb û Mistefa Ehmed Kurdî ve hat xwendin. Pêkhateyên herêmê yên Kurd, Ereb, Suryan û Ermen jî tevlî daxuyaniyê bûn.

 

Di daxuyaniyê de peyama gelên herêmê a ji Komîteya Pêşîlêgirtina Îşkenceyê ya Ewropayê (CPT) ya têkildarî binpêkirinên qanûnî yên dewleta Tirk a li dijî Rêberê PKK'ê Abdullah Ocalan jî cih girt.