NAVENDA NÛÇEYAN - Bi hezaran Rojavayî serê sibêhê ve berê xwe didin qadên pîrozbahiya Newrozê. Newroza îsal bi dirûşma “Bi ruhê berxwedana Newrozê em ê dagirkeriyê têk bibin” tê lidarxistin.

 

Îro gelên Rojhilata Navîn Cejna Newrozê pîroz dikin. Gelên Rojavayê jî Newroza îsal bi dirûşmeya “Bi ruhê berxwedana Newrozê em ê dagirkeriyê têk bibin” pîroz dikin. Ji saetên sibehê ve, şêniyên herêmê bi cilên herêmî berê xwe didin cihên pîrozbahiyan.

 

Li Herêma Cizîrê pîrozbahî 

 

Bajarê Qamişlo: Pîrozbahiya Newrozê ya Qamişlo li gundê Hîmo yê li rojavayê bajêr tê lidarxistin.

 

Navçeya Tirbespiyê: Pîrozbahî li bendava Mizgeft a li bakur rojhilatê navenda navçeyê tê li darxistin.

 

Girkê Legê: Pîrozbahî li gunê Helîq ê li herêma Aliyan tê lidarxistin.

 

Dêrik: Pîrozbahî li bendava Borze ya li bakur rojhilatê bajarê Dêrikê tê lidarxistin.

 

Hesekê: Pîrzobahî li bendava Xerbî ya li bakur rojavayê bajêr tê lidarxistin.

 

Dirbêsiyê: Pîrozbahî li pişt navenda navçeya Dirbêsiyê tê lidarxistin.

 

Til Temir: Pîrozbahî li gundê Qesrek a li ser rêya M4 di navbera Til Temir û Qamişlo de, tê lidarxistin.

 

Herêma Firatê gel berê xwe didin qada pîrozbahiyê 

 

Kobanê: Pîrozbahiya Newroza 2021`an li daristana Kobanê ya li rojavayê bajêr tê lidarxistin.

 

Reqa: Pîrozbahiya li Reqayê jî li Furqeya 17`an a li bakurê bajrê tê lidarxistin.

 

Li Şehba, helep û Şamê Newroz tê pîrozkirin 

 

Pîrozbahî ligundê Elûşê yê navçeya Ehdasê ya kantona Şehbayê tê lidarxistin.

 

Pîrozbahiya Newroza 2021`an li Heqil Remî ya li herêma Şiqeyif tê lidarxistin.

 

Pîrozbahî li herêma Meşrûi Dumer ya li yarîgeha El-Feyhaa tê lidarxistin.

 

Tê payîn ku pîrozbahî saet 10:00`an dest pê bikin û bi navê partiyên siyarî û Rêveberiya Xweser axaftin bên kirin. Her wiha dê pêşandanên hunerî ji aliyê tîmên hunerî ve bên pêşkêşkirin.