AMED - Ji 16 kesên di çarçoveya lêpirsîna KCD'ê de hatibûn binçavkirin û do derxistin edliyeyê jê 8 kes hatin girtin. 

 

Di çarçoveya lêpirsîna KCD'ê de di 26'ê Hezîranê de polîsan bi ser malan de girtibûn û 43 kes hatibûn binçavkirin. Do 16 kesên li Şaxa TEM a Muduriyeta Emniyetê karê wan qediyan sewqî edliyeyê hatin kirin. 

 

16 kesên ku sewqî Edliyeya Amedê hatibûn kirin bêyî îfadeya wan a dozgeriyê bên girtin sewqî Dadgeha Cezayê Sulhê ya Nobedar hatin kirin. Rêvebera Komeleya Jinê ya Rosayê Rojda Bariş, Endama Meclîsa Giştî ya KESK'ê û endama TUM BEL-SEN Ayten Tekeş, Endama Lijneya Rêveberiya Şaxa Amede ya Odeya Muhendisan a Makineyê Arîn Zumrut, Parêzer Berdan Acûn û her wiha Fatma Bulbul, Velat Esîn, Omer Baran, Nesrîn Şanli, Huseyin Kaya, Adem Firik, Mehmet Şengul, Aytaç Duymuş, Pîran Başkurt, ûmran Baturay bi îdiaya "Endamtiya Rêxistinê" bi daxwaza girtinê sewqî Dadgeha Cezayê Sulhê ya Nobedar hatin kirin. Aynûr Aktar û Zekiye Yilmaz bi tedbîra şerdê kontrola edlî sewqî dadgehê hatin kirin. 

 

Fatma Bulbul, Berdan Acun, Adem Firik, Velat Esin, Aytaç Duymuş, Omer Baran, Zekiye Yılmaz û Aynur Aktar bi tedbîra şerdê kontrola edlî serbest hatin berdan. Ayten Tekeş, Arin Zumrut, Rojda Bariş, Nesrin Şanlı, Piran Başkurt, Huseyin Kaya, Mehmet Şengul û Umran Baturay, bi îdiaya "Endamtiya Rêxistinê"hat girtin.