HESEKÊ-Yekîtiya Jinên Ciwan û Ciwanên Partiya Yekîtiya Demokratîk êrîşên dewleta tirk bi meşekê şermezar kirin.

 

Bi pêşengtiya Yekîtiya Jinên Ciwan ên bajarê Hesekê û Ciwanên Partiya Yekîtiya Demokratîk (PYD) êrîş  û hedefgirtina têkoşeran a ji aliyê dewleta tirk ve bi tundî şermezar kirin. Bi dehan şêniyên bajarê Hesekê kurd, ereb û suryan tevlî meşê bûn.

 

Meşê bi hilgirtina wêneyên têkoşer Qasim Engîn û bi dirûşmên "Şehîd namirin" li ber pira miftî dest pê kir û li ber Navenda Çand û Huner a taxa Miftî veguherî mitîngê.

 

Piştî deqeyek rêzgirtin, Rêveberiya Yekîtiya Jinên Ciwan Fatma Murad êrîş û hedefgirtina têkoşeran a ji aliyê dewleta tirk ve şermezar kir û wiha pê de çû: "Em wekî jinên ciwan ji bo rêgirtina li ber êrîşên dewleta tirk li ser piyan in û asta têkoşîna xwe bilindtir bikin. Heya êrîş û dagirkeriya tirk hebe ew ê rehetî ji bo me tune be û li hember kiryarên qirkirinê em ê serî hildin."

 

Fatmayê di dawiya axaftina xwe de bang li rêxistin û saziyên mafê mirovan kir ku rê li ber êrîş û kiryarên dewleta tirk bigirin.

 

Meş bi dirûşma "Şehîd namirin" û "Bijî berxwedana zindanan" bi dawî bû.