AMED - Komeleya Hêviyên Reng bi Reng  ji bo ku di vê pêvajoyê de zarokên Sûrê tenê nemînin kampanya da destpêkirin. 

 

Komeleya Hêviyên Reng bi Reng ya ku li navçeya Sûrê ya Amedê ye ragihand ku ew ê  li gel zarokên Sûrê ên ku ji ber nexweşiyê di mal de dimînin û di derfetên dîjîtal de bêpar dimînin ew ê bi riya telekonferansê li gel zarokan atolyeyan li dar bixin.  Komeleyê destnîşan kir ku bi derfetên heyî ew ê xwe bigihîjin zarokan û bang li herkesî kir ku piştevaniyê bidin kampanyaya wan. 

 

'Li malêmayîn  trawmaya ku zarokên Sûrê jiyaye  ji nû ve zindî kir' 

 

Daxuyaniya ku ji hêla Komeleyê hatî kirin wiha ye:"Em ê bi rêbaza telekonferansê re bi zarokên Sûrê re ku ji ber  vîrûsa koronayê  li malê dimînin atolyeyan pêk binin.  Wekî Komeleya Hêvîyên Reng bi Reng me xwe gihişt  115 zarokan û di her hevdîtineke bi zarokan re wan diyar kir ku ew vê pêvajoyê fêm nakin û "Li malê mayîn" trawmaya ku zarokên Sûrê  jiyaye ji nû ve zindî bû ev bû sedema travmayeke cuda."

 

'Ji sedî  90 li malbatan de înternet tune ye' 

 

Komeleyê bi domdarî wiha got:"  Wekî komeleyê, em dixwazin ji zarokan re vebêjin ku ev pêvajoyek  derbasdar e ku em li ser mafê wan bipeyivin ku di dema mayîna li malê de xwendin, ewledar biaxivin û mafê wan bidin ku pêşî li tundiya nava malê bigirin û biparêzin.Di hevpeyivînên ku me bi malbatan re, kirin mixabin me dît ku  ji sedî 90 malbatan înterneta wan  tune ye. Em fikirîn ku di vê pêvajoyê de xwegihîştina zarokan bi  telekonferansê pêkan e. Em li benda piştgiriya we ne ku van demên dijwar bi hevre derbas  bikin. Ger ku hûn bixwazin piştevaniyê bidin me, hûn dikarin bi me re bi navnîşana info@rengarenkumutlar.org an  0538 376 88 92  bikevin  têkiliyê."