AMED - Çalakiya greva birçîbûnê ya bê dem û ne dorveger a Leyla Guven ku li dijî tecîrda li Îmraliyê daye destpêkirin di roja 128'an de berdewam dike. 

 

Çalakiya greva birçîbûnê ya Hevseroka Kongreya Civaka Demokratîk (KCD) û parlamentera Partiya Demokratîk a Gelan (HDP) ya Colemêrgê Leyla Guven ku li dijî tecrîda li ser Rêberê PKK'ê Abdullah Ocalan dabû destpêkirin di roja 128'an de berdewam dike. Leyla ya ku di 25'ê Çileyê de ji girtîgehê hat tahliyekirin çalakiya xwe li mala xwe ya li taxa Bagcilar a Baglarê di roja 128'emîn de berdewam dike. Serdanên ji bo Leylayê berdewam dikin û dorpêça polîsan a li ber mala wê jî berdewam e. 

  

Heta roja îro hem ji welêt û hem jî ji dervê welêt gelek kes û nûnerên saziyan ji bo piştevaniyê serdana Leylayê kirin. Gelk rojnameger, ronakbîr û nivîskaran jî piştevaniya xwe ya bi leylayê re ragihandin û xwestin ku hilûmet ji bo tecrîd bê rakirin gavê biavêje. 

 

Çalakiya girtiyan berdewam dike

 

Piştî Leylayê çalakiya girtiyên di greva birçîbûnê de ya koma yekemîn di roja 90'emîn de, li Herêma Federal a Kurdistanê çalakiya Nûnerê HDP'ê Nasir Yagiz di roja 1015'an de, Li strasbourgê 14 kes û li Gallerê ya Îmam Şîş di roja 89'ê de. Ya Endama Meclisa Îştar Fadîle Tok diroja 55'an de, ya Hevseroka DBP'ê ya berê Sebahat Tuncel û ya parlamentera DHP'ê ya berê Selma Irmak ku li girîtgehê dane destpêkirin jî di roja 60'emîn de berdewam dike.   

Açlık grevi günden güne büyüyor

 

Endamên DHP'ê yên girtî çalakiya xwe berdewam dikin

 

Parlamentera HDP'ê Dêrsim Dag û endamên HDP'ê Salîh Cansever, Îsmaîl Yildiz, Sevîcan Yaşar, Salîh Tekîn û Bîlal Ozgezen ku di 3'yê Adarê de li avahiya HDP'ê ya Amedê çalakiya ku dan destpêkirin, di 8'ê Adarê de parlamenterê Wanê yê HDP'ê Tayyîp Temel û Murat Sarisaç û endamên HDP'ê Abdulhalik Kurt û Yusuf Ataş jî tevli bûn. Piştî ku di 8'ê Adarê de bi ser çalakiyê de hat girtin ji endamên HDP'ê 4 jê hatin girtin, 3 serbest hatin berdan. Hat diayarkirin ku ji HDP'yiyên hatine girtin çalakiya xwe berdewam dikin. 

 

Ji 300 kesî zêdetir girtî di greva bêdem û ne dorveger de ne

 

 Li girtîgehan her roj komên din li komên greva birçîbûnê ya bêdem û ne dorveger zêde dibin. Herî dawî ji Girtîgeha Jinan a Sîncanê 26 giriyan  diyar kiribûnê ku ew ji 1'ê Adarê de dest bi greva birçîbûnê ya bê dem û ne dorveger dikin. Li gorî daneyên herî dawî yên Komîsyona Girtîgehan a  ÎHD'a Stenbolê ku derbarê girtîgehan de da, li 60 girtîgehan 321 girtî di greva birçîbûnê de ne. 

 

Herwiha çalakiya girtiyên PKK û PAJK'ê ku di1'ê Adarê de dan destpêkirin û hîna ne diyar e ku çen girtiyan dest bi grevê kiriye di roja 15'emîn de berdewam dikin. 

 

Kesên hatin tahliyekirin çalakiya xwe berdewam dikin

 

Sedat Akin ê ku li girtîgeha Erzîcan a Tîpa T dest bi grevê kiribû piştî ku hat tehliyekirin  çalakiya xwe li malê di roja 80'emîn de berdewam dike. Gurbet Ektiren a ku di 15'ê çileyê de dest bi çalakiya grevê kir û hat tahliyekirin jî ji 8'ê Adarê de çalakiya xwe li mala xwe ya li Dêrika Mêrdînê berdewam dike di roja 59'an a greva birçîbûnê de ye. 

 

Gavên şênber nehatine avêtin

 

Li gel bertekên raya gişt û bangên ku ji bo gavavêtinê ya ji bo rakirin tecrîdê hatin kirin, hikûmeta AKP'ê ya ku îktîdar e hîna bêdengiya xwe berdewam dike û tu gav nehatine avêtin.