Rûken Goman

 

QAMIŞLO -  Jinên Ereb ên bajarokê Çelaxa  8'ê Adarê li tevahî jinan pîroz kirin û gotin:" Bi serkeftina şoreşa û têkoşîna jinê em ê 8'ê Adarê bi berxwedanek mezin pêşwazî bikin. Em ê bi rihê berxwedana Leyla Guven 8'ê Adarê pêşwazî bikin."

 

Jinên Ereb ên li Qamişloyê da zanîn ku bi Şoreşa Rojavayê Kurdistanê serdemek nû ji bo wan dest pê kiriye û gotin:"Em hêvî dikin ku 8'ê Adarê bibe wesîleya şoreşên nû."

 

'Hatina 8'ê Adarê coşa serkeftinên jinê geş dike'  

 

Jina Ereb  Semîra Mihemed  wiha  wateye vê rojê vedbêje:" Di destpêkê de em 8'ê Adarê roja vejîn û azadiyê li tevahî jinên cîhanê pîroz dikin. Bi taybet li jina berxwedêr Leyla Guven em pîroz dikin. Hatina 8'ê Adarê coşa serkeftina jinê geş dike. Bi taybet di van rojên ku berxwedanek bê hempa  tê meşandin û terora DAÎŞ'ê tê tunekirin de,  em dibînin ku dîrok dibe şahidê têkoşînên nû. Ji xwe ji dîrokê ve jin bi tekoşînê hatiye naskirin, êdî zincîrên  koletiyê ên li ser jinê hatine şikandin. Îro jin  hebûna xwe diparêzê û di qadên berxwedanê  de ji bo azadiya tevahî jinan şer dike û azadiya xwe mîsoger dike."

 

'Têkoşîna Leyla Guven berdewamiye rihê 8 Adarê ye 

 

Jina bi navê Ezîma Ibrahîm  bal kişand ser têkoşîna  jinê û wiha got:" Dîroka desthilatdariyê, jin her dem wekî kole bi kar aniye. Vê desthilatdariyê nedixwest jin di rûpelên dîrokê de xwedî serkeftin bin. Lê dîroka jinê dîroka serkeftinê ye. Jin bi fedekariyeke mezin axa xwe diparêze. Têkoşîna Leyla Guven berdewamiye rihê 8 Adarê ye. Bi serkeftina şoreşa û têkoşîna jinê em ê 8'ê Adarê bi berxwedanek mezin pêşwazî bikin. Em ê bi rihê berxwedana Leyla Guven 8'ê Adarê pêşwazî bikin. Em hêvî dikin ku 8'ê Adarê bibe wesîleya şoreşên nû.

Em vê rojê li hemû jinên cîhanê û bi taybet jî li jinê têkoşer pîroz dikin. Em dibêjin cejna vejînê li hemû jinan pîroz be."