RIHA - Meclisa Ciwanên DEM Partiyê ku bi wesîleya 76’emîn rojbûna Rêberê Gelê Kurd Abdullah Ocalan ji Amedê ber bi Amarayê ve meşiyan, bi coş, dirûşme û tilîliyan gihiştin Curnê Reş.

 

Meşa Meclisa Ciwanên Partiya Wekhevî û Demokrasiyê ya Gelan (DEM Partî) a ji Amedê ber bi Navçeya Amara ya navçeya Xelfetiya Rihayê ve bi boneya 76'emîn rojbûna Rêberê Gelê Kurd Abdullah Ocalan di roja xwe ya 2'yem de berdewam dike. Meşa ku li navçeya Sêwreg/Grê Sor  a Rihayê dest pê kir, îro gihişt Curnê Reş.

 

Bername danê sibê bi serdanên goristanê dest pê kir. Girseya ku di nav de parlementerên DEM Partî Zekî Îrmez û Onur Duşûnmez jî hebûn, ewil çûn serdana goristana bêkesan. Piştre Mahmut Zengîn ê ji 4 kesên ku di 18'ê Gulana 1982'an de li Tîpa E ya Amedê  di encama çalakiya fedaî de jiyana xwe ji dest dabûn li ser gora xwe hat bibîranîn. Li vir piştî deqeyeke rêzgirtinê li ser navê Meclîsa Ciwanên DEM Partiyê Muhsîn Aydogdu axivî û got, "Ciwanên welatparêz wê şopdarên rêya wî û hevrêyên xwe bin."

 

Girseya ku di nav de Parlamentera DEM Partiyê ya Mêrdînê Bêrîtan Guneş jî hebû, ji Sêwregê heta Curnê Rêş meşiyan. Dirûşmên "Bê Serok jiyan nabe", "Bijî Serok Apo", "Silav silav ji Îmraliyê re hezar silav", "Rojbuna te pîroz be ey Serok", "Jin jiyan azadî" hatin berzkirin û hat lîrandin. 

 

Tê hêvîkirin ciwan li vir bi girseyî bên pêşwazîkirin.