Melîke Aydin

 

MUGLA - Zuhal Macît balkişand ser banga sedsalê ya Rêberê Gelê Kurd Abdullah Ocalan û agirbesta ku PKK’ê îlan kiriye û got ji bo ev pêvajo biguhere aştiyê divê jin rola xwe bilîzin.

 

Rêberê Gelê Kurd Abdullah Ocalan di 27’ê Sibatê de Banga "Aştî û civaka demokratîk" kir û xwest PKK xwe fesh bike. PKK’ê bersiv da û agirbest îlan kir. Tevî vê Tirkiyeyê êrişên xwe yên li hember Bakur û Rojhilatê Sûriyeyê û herêma Federal a Kudistanê didomîne. Heta niha gavekî ber bi çav nehat avêtin. 

 

Ji Meclîsa Jinan a Partiya Wekhevî û Demokrasiyê ya Gelan (DEM Partî) a Muglayê Zuhal Macît derbarê pêvajoyê de axivî û got aştî bê jin nakebe û got wê jin der barê pêvajoyê de gavê bavêjin.

 

Zuhal Macît da zanîn ku Abdullah Ocalan banga aştiyê kiriye û vê hêviyek mezin bi hemû kesî re bi cîhanê re afirandiye û wiha anî ziman: “Di encama geşedanên hatine jiyîn de bi zelalî hatiye fêmkirin ku muxatab Îmraliye. Ji ber ev mijara muxatabiyê bû. Ji ber mijara muxabiyê bû. Ev zelal hat fêmkirin.”

 

Civak pirsa ‘aştiyek çawa’ dipirse

 

Zuhal Macît daxuyakirin ku PKK’ê bi agirbestê bersiv da bangê û civak jî pirsa "Aştiyeke çawa" û wiha dirêjî da axaftina xwe: “Ji ber muxatab dewleta Tirkiyeyê ye. Wê gavek çawa bavêje? Devlet Bahçelî got bila di 4’ê Gulanê de li Melezgîrta Mûşê kom bibin. Di roja Tirkbûnê ya Cîhanê de. Melezgîrt wateya wê heye. Her kes dizane ku ev wisa nameşe. Ev kongre ger kom bibe divê elwehiya wê hebe statuyên qanûnî yên fermî hebin. Divê gavên hiqûqî bên avêtin. Bi hezaran partiyî, hevserokên me niha girtîne û li derveyê welat in. Hîna şerekî ku didome heye.”

 

‘Dewletê dest ji plana têkbirinê berneda’

 

Zuhal Macît Plana Têkbirinê bibîr xist û wiha got: “Naxwazin kanalên siyaseta demokratîk a Kurdan vebikin. Ev pirs tê hişê mirovan, dixwazin Kurd serî bitewînin û Kurdan têk bibin. Delweta nûneriya wekhev û zimanê bi dayikê naxwaze. Her ku Kurd bibêjin aştî ew dibêjin şer û plana têkbirinê. Divê pêvajo demildest veguhere aştiyê. Pirsgirêka civakan hevpare. Dewlet hatina aliyan asteng dike.”

 

‘Plana têkbirinê li ser xistina jinan e’

 

Zuhal Macît di axaftina xwe de şertên herî giran yên şer jin û zarok dijîn û wiha vegot: “Şer tenê ne bi pevçûnan bi polîtîkayên şerê taybet didome. Plana têkbirinê herî zêde bandor li jinan dike. Ji bo xistina jinan tê meşandin. Jin dixwazin aştiyê civakî bikin lê hîna rê û rêbaz nedîtine. Divê jin teqez xwedî li pêvajo aştiyê derkevin. Jin neçarin pêşengiya pêvajoyê bikin. Bêyî ku jin dereng bimînin divê rola xwe bilîzin û di pêvajoyê de aktîf bin.”