Nazlican Nûjîn Yildiz 

 

ÎZMÎR - Parlamentera DEM Partî ya Îzmîrê Burcugul Çubuk, çû serdana girtiyên jin yên li girtîgeha jinan a Şakranê. Burcugul Çubuk da zanîn ku girtî binpêkirinên mafan yên cidî re rû bi rû ne û got divê Lijneyên Îdarî û Şopandinê bên rakirin. 

 

Tecrîda girankirî ya li ser Rêberê Gelê Kurd Abdullah Ocalan li girtîgehên din jî xwe dide der û dibe sedem ku binpêkirinên mafan berfireh bibin. Her çend di demên dawî de bi Abdullah Ocalan re hevdîtinên bi sînor hatin kirin jî, hîna jî tecrîd didome. Şert û mercên jiyana girtiyan bi taybetî li girtîgehên ewlekariya bilind ên tîpa S û Y ku weke girtîgehên bi tîpa baş tên binavkirin her ku diçe xirabtir dibe. Her wiha li gel ku Desteyên Îdarî û Şopandinê ji ber hincetên curbecur serbestberdana girtiyên ku dema berdana wan nêzîk dibe taloq dike, li ser esasê lêpirsîna “poşmaniyê” biryara girtinê didome.

 

Parlamentera Partiya Wekhevî û Demokrasiyê ya Gelan (DEM Partî) a Îzmîrê Burcugul Çubuk di navbera 8 û 21’ê Adarê de serdana girtiyên li girtîgeha jinan a Şakranê kir û binpêkirinên ku girtiyan ragîhandin nirxand.

 

Burcugul Çubuk got girtiyên jin 8’ê Adarê û 21’ê Adarê Newroz pîroz kirine û ji hemû jinan re silav şandine û wiha got: “Girtî pêvajoyê ji nêz ve dişopînin.  Hinek pirsgirêk hene. Bi taybet têketina girtîgehê de hinek pêkanîn bi pirsgirêk in. Mehtap Alîşan ya wê pêvajoyê hatiye girtin alavê wê nedanê. 10 rojan alav nedane. Ger jinên din tunebûna wê ti tiştekî wê tunebûna. Girtiyên jin bi pêkanînên kêfî dijîn.” 

 

Lijne raporan pêşde amade dike

 

Burcugul Çubuk balkişand ser pirsgirêkên der barê Lijneya Îdarî û Şopandinê û got ev lijne li şûna dadgehan dixebitin û yên di lijneyê de cih digirin perwerdehiya hiqûqî nagirin. Dema dadgehên înfazaê hebin Lijneyên Îdarî û Şopandinê şandin. Ji xwe dibêjin destê wan de pêş raporek heye. Girtiyan gotin raporên Lijneya Îdarî û Şopandinê berê tên amadekirin.Cezayê girtiyekê bi rutînî sê  mehan carî tê talqokirin.Lijne cezayan beriya ku girtî derkevin lijneyê bi mehan berê bi hincetekê taloqa dikin.Hincetên berê ji bo taloqkirina ceza tên bikaranîn piştre dîsa tên bikaranîn. Li Şakranê mudaxaleyê cil û bergÊn jinan dikin.Pêkanînên cot kelepçeyê didomin.”

 

'Lijne poşmanî ferz dikin'

 

Burgucul Çubuk her wiha destnîşan kir ku hucre nêzî pergala laximê ne û li van deran mişk digerin û got: “Li koguşan jî heman pirsgirêk hene. Me bi îdareyê re hevdîtin kirin û gotin wê çareser bikin. Di vê hevdîtinê de em fêrbûn ku hîna çareser nekirine. Îdareya girtîgehê her kesî ji ser xwe davêje. Ji ber girtinan êdî cih li girtîgehan nemaye. Li Şakranê jî heman rewş tên jiyîn. Li ber tuwaletan jî nivîn hene. Her wiha pêvajoyên revîr û nexweşxaneyan jî bi pirsgirêkin. Li girtiyan poşmaniyê ferz dikin. Şandina nameyan dibe hinceta ceza. Lijne poşmaniyê ferz dikin. Divê ev ferzkirin bê rakirin. Kesê ku 30 salî girtî maye nabêje ez poşman im.”