NAVENDA NÛÇEYAN - Çalakiya greva birçîbûnê ku li dijî tecrîda li ser Rêberê PKK'ê Abdullah Ocalan û binpêkirinên mafan li girtîgehan hatibû destpêkirin bi koma 21'emîn di roja 105'emîn de berdewam dike. 

 

Çalakiya greva birçîbûnê ya li dijî tecrîda li ser Rêberê PKK'ê Abdullah Ocalan û binpêkirina mafên li girtîgehan ku di 27’ê Mijdara 2020'î de li girtîgehên Tirkiyeyê û herêmê hatibû destpêkirin didome. Çalakiya ku bêdem û dorveger hatibû destpêkirin ji aliyê koma 21'emîn ve 105 roj in berdewam dike. 

 

Xizmên girtiyan bertek nîşanî sersariya rayedaran dan û gotin, "Tecrîd rastiya vî welatiye bi bincilkirinê nayê veşartin. Divê demildest daxwazên girtiyan bên qebûlkirin û tecrîda li Îmraliyê bi dawî bibe."