QAMIŞLO - Tevgera Ciwanên Şoreşger ên Sûriyeyê û Tevgera Jinên Ciwan di qonaxa duyem de bi dirûşma “Tekez em ê bi ser bikevin “dest bi meşeke dirêj ji Til Temir heta Dêrikê kiribûn. Meşa hat destpêkirin îro gihîşt Qamişloyê.  

 

Bi armanca şermezarkirina êrîşên dewleta tirk li ser Herêmên Bakur û Rojhilatê Sûriyeyê, di 24’ê Kanûnê de Tevgera Ciwanên Şoreşger ên Sûriyeyê û Tevgera Jinên Ciwan meşeke dirêj li dar xistin. Ev meş ji navçeya Til Temirê ya Kantona Hesekê hat destpêkirin û dê heta bajarê Dêrikê yê Kantona Qamişloyê dewam bike. Meşa ku bi sedan ciwan tevlî bûne gihîşte bajarê Qamişloyê.   Di meşê de ciwanan alên Tevgera Ciwanên Şoreşger, Tevgera Jinên Ciwan û wêneyên Rêberê PKK’ê Abdullah Ocalan hilgirtin. 

 

Ciwanên ku gihîştine Qamişloyê niha li stadyoma şehîdên 12’ê Adarê rawestiyan û dê îro meşa xwe ber bi bajarekî din ve bidomînin.

 

Meş wê hata bajarê Dêrikê berdewam bike.