QERS - Hevşaredara Qersê Şevîn Alaca jî di nav de, îfadegirtina 21 kesên ku li Midûriyeta Polîsan a Qersê di bin çavan de ne, dest pê kir. 

 

Hevşaredara Qersê Şevîn Alaca, Hevserokê Partiya Demokratîk a Gelan (HDP) yê Qersê Cengiz Anli û endamên meclîsa şaredariyê jî di nav de 21 kes di 1'ê cotmehê de li Qersê hatibûn binçav kirin. Piştî binçavkirina 3 rojan îfadegirtina 21 kesan li Midûriyeta Polîsan a Qersê dest pê kir. 21 kes bi îdeaya "endamtiya rêxistinê" hatin binçavkirin, tê payîn ku sibê wan sewqî dozgeriyê bikin. 

 

21 kesên hatine binçavkirin wiha ne: Hevşaredara Qersê Şevin Alaca, Hevserokê HDP'ê yê Qersê Cengiz Anlı, Cîgirê Hevşaredarên Qersê Muazzez Çagritekin, Endamên meclîsa şaredariya Qersê Kaya Nakî, Fahrettin Kaya, Omer Albayrak û Suat Bayhan, Endamê Meclisa Bajar ê Kaxizmanê Halil Kan, Endamê Şaredariya Bazarcixê Hamdi Erkmen, Endamê Şaredariya Digorê Hamit Taşdelen, Aktîvîsta TJA'yê Medya Tagay, Endamê Şaredariya Digorê yê berê Reis Baykiz, Hevserokê HDP'ê yê Digorê yê berê Zorba Başkutlu, Xebatkarên şaredariyê Şengul Erkmen, Nûçegîhana Demokrat Haber Selda Manduz, Hevserokê DBP'ê yê Navçeya Navendî İzzet Altig, Rêveberê HDP'ê yê berê Adem Karataş, Rêveberên HDP'ê yên Selimê yê berê Sabri Avag, Bulent Agbaba û Hazal Agadeve.