AMED - Rûniştina biryarê ya doza Mesût Issi yê jina pê re zewicî Muzeyyen Boylû qetil kiribû hat dîtin. Dadgehê cezayê muebeta giran  li Mesût Issi birî. 

 

Muzzeyen Boylû û Mesût Issi li ber ji hev berdanê bûn. Messût Issi gule li Muzzeyen Boylû reşandibû û ew li naverastê ew qetil kiribû. 

 

Rûniştina biryarê ya doza Mesût Issi yê girtî tê darizandin li 7’emîn Dadgeha Cezayê Giran a Amedê hat lidarxistin. Mesût bi rêya dîmen û deng (SEGBÎS) beşdarî rûniştinê bû. Parêzerê bersûc jî di rûniştinê de amade bû.

 

Malbata Muzeyen, parêzerên wê Cîhan Aydin, Hatîce Demîr, Serdar Ozer, Oyku Çakmak û Sînan Tanrikûlû beşdarî rûniştinê bûn û li eywana dadgehê amade bûn. 

 

Serokê dadgehê ji ber vîrûsa koronayê destûr neda rojnamevan rûniştinê bişopînin û ji bo şopandinê jî çend kes berda hundir. 

 

Dozger biryara xwe eşkere kir û derbarê Mesût de ji sûcê “hevjîna xwe bi qestî kuştiye” muebeta giran xwest. Piştî parastinan dadger navber da danişînê. 

 

Şandeya dadgehê pişt re civiya û ji sûcê “hevjîna xwe bi qestî kuştiye” muebeta giran da Messût Issi.