ENQERE - 20 siyasetmedarên ku bi hinceta “Lêpirsîna Kobanê” hatin binçavkirin li Midûriyeta Polîsan a Enqereyê dihatin ragirtin û anîbûn Edliyeya Enqereyê. Bi biryara dozgeriyê dema binçavkirinê hat dirêjkirin.  

Li ser fermana Serdozgeriya Komarê ya Enqereyê endamên Lijneya Rêveberiya Navendî (MYK) a Partiya Demokratîk a Gelan (HDP) yên berê û bi tevahî 20 siyasetmedar di 25’ê îlonê de hatibûn binçavkirin. Siyasetmedar li Midûriyeta Polîsan a Enqereyê dihatin ragirtin îro anîn Edliyeya Enqereyê. Siyasetmedarên binçavkirî dê derxin 3'yemîn Dadgeha Cezaya Sulhê. Bi biryara dozgeriyê dema binçavkirinê hat dirêjkirin. Piştre siyasetmedar carek din birin Midûriyeta Polîsan a Enqereyê. 

 

Kesên ku hatine binçavkirin; 

 

Hevaşaredarê Qersê Ayhan Bîlgen (Qers), Endamê MYK’a HDP’ê yê niha Alp Altinors (Enqere), Endamê Komîsyona Têkiliyên Derve yên HDP’ê Nazmi Gur (Enqere), Parlamenterê HDP’ê yê Amedê yê berê Altan Tan (Amed), Parlamentera HDP’ê ya Êlihê ya berê Ayla Akat Aka (Amed), Hevseroka Giştî ya DBP’ê ya berê û parlamentera berê Emîne Ayna (Amed), Endamê Şandeya Îmraliyê û Parlamenterê HDP’ê yê berê Sirri Sureyya Onder (Stenbol), endamên MYK’a HDP’ê yên berê Bîrcan Yorulmaz (Stenbol), Gulfer Akkaya (Stenbol), Berfîn Ozgu Kose (Stenbol), Dîlek Yagli (Stenbolê), Can Memîş (Stenbol), Gunay Kubilay (Stenbol), Bulent Parmaksiz (Stenbol), Zekî Çelîk (Hesabgirê Giştî - Balikesîr), Pervîn Odûncû (Îzmîr), Îsmaîl Şengun (Stenbol), Alî Urkut (Amed), Cîhan Erdal (Stenbol) û Prof. Dr. Emîne Beyza Ustun (Stenbol).