AMED - MED TUHAD-FED, OHD û TUAY-DER'î waştî ke tepişteyê nêweşî lezkî bêrê veradayîş.

 

Federasyonê Komaleyê Huqûq û Paştdaşî yê Keyeyê Tepişteyan û Hukumwerdoxan ê Medî (MED TUHAD-FED), Şaxa Komeleya Huqûqnasê Semedê Azadîye (OHD) yê Amedî û Komeleya Paştdayîşê bi Keyeyê Tepişteyan (TUAY-DER) vernîya Edliyeyê Amedî de semedê tepişteyanê nêweşan eşkerayî da.

 

Eşkerayî de pankartê “Pawitişê cuye, înşakerdişê aştîye yo” ame akerdiş û parlamanterê DEM Partîye yê Amedî Serhat Eren, endam û îdarekarê Partîya Têduştî û Demokrasî (DEM Partî), Partîya Herêmanê Demokratîke (DBP), temsîlkarê rêxistinê sivîlî û xeylêk kesî tewr bî. Eşkerayî hetê Endamê Komîsyonê Tepişteyan ê OHD'yî Ferhat Koçeroglû ra amî wendiş.

 

Ferhat Koçeroglû dîyar kerd ke tepişteyê nêweşî semedê qerarê ATK'yî nînê veradayîş û va ke ATK bi yew hetî kar keno. Ferhat Koçeroglû dîyar kerd ke tepişteyê nêweşî semedê rewşa keyfî nînê veradayîş û waşt ke nêweşî bêrê veradayîş.

 

Ferhat Koçeroglû waşt sere de şert û mercê Rayberê Şarê Kurdî Abdullah Ocalanî û pêro tepişteyan bêrê başkerdiş û serê azadîya înan xebate bêrê destpêkerdiş.

 

Eşkerayîye bi berzkerdişê sloganê “Bijî berxwedana zindanan” peynî bî.