Gulistan Gulmuş-Derya Ren 

 

AMED - Qada Newrozê ya dîrokî ya Amedê duh careke din mazûvaniyê kir. Jinên ku qada Newrozê tijî kirin azadiya Rêberê Gelê Kurd Abdullah Ocalan daxwaz kirin û gotin: "Dewlet ne samîmî ye." 

 

Parka Newrozê ya li navçeya Rezan a Amedê ye, duh ji saetên serê sibehê ve bû şahidê dîmenên rengîn. Newroza ku di pêşengiya Tevgera Jinên Azad (TJA), Partiya Wekhevî û Demokrasiyê (DEM Partî) û Partiya Herêmên Demokratîk (DBP) bi dirûşma "Rêbertiya Azad Civaka Demokratîk" û "Ji bo Azadiyê Newroza Civaka Demokratîk" hat pîrozkirin, qad veguherî  qada azadiyê.

 

 

Beşdarên pîrozbahiya Newrozê bi taybetî jin û zarok, tevahiya rojê wêneyên Rêberê Gelê Kurd Abdullah Ocalan hilgirtin û diyar kirin ku yekane daxwaza wan azadiya fîzîkî ye. Li aliyê din beşdaran diyar kirin ku ew bangawaziya Rêberê Gelê Kurd Abdullah Ocalan hembêz kirine û bal kişandin nesamîmiyeta dewletê. 

 

Derbarê mijarê de welatî ji ajansa me JINNEWS'ê re axivîn.