NAVENDA NÛÇEYAN - 1'emîn Konferansa Înîsiyatîfa ji Abdullah Ocalan re Azadî a Sûriyê, li Qamişloyê dest pê kir.

 

Bi dirûşma "Azadiya Rêber Apo mîsogeriya çareserî û aştiyê ye", 1'emîn Konferansa Înîsiyatîfa ji Abdullah Ocalan re Azadî a Sûriyê, li hola Zana ya bajarê Qamişloyê dest pê kir.

 

Ji partiyên siyasî, saziyên Rêveberiya Xweser, şêx û rûspiyên kurd û ereban, Meclisa Malbatên Şehîdan, Kongra Star, Yekitiya Jinên Ciwan û Tevgerên Ciwanên Şoreşger ên Sûriyê 175 delege beşdarî konferansê bûn.

 

Endamê Însiyatîfê Silêman Îsa Ehmed axaftina destpêkê ya konferansê kir.  Silêman Îsa Ehmed diyar kir ku di konferansê de wê nîqaş li ser rola herêmê, dîroka jinê, pirsgirêkên gelan, aloziyên Rojhilata Navîn û cîhanê û çareserkirina van aloziyan li gorî ramanê Rêberê PKK'ê Abdullah Ocalan werin kirin.

 

Li gorî komîteya amadekar a konferansê, wê du mijar werin nîqaşkirin; yek aloziya Rojhilata Navîn û çareserkirina pirsgirkên gelan, duyemîn komploya navneteweyî û girîngiya azadkirina fîzîkî ya Abdullah Ocalan 

 

Konferans wê bi encamnameyekê bi dawî bibe.