NAVENDA NÛÇEYAN - Balafireke xwekuj a dewleta Tirk navenda bajarê Til Rifet ê kantona Şehbayê bombebaran kir. Di encamê de 2 kes jiyana xwe ji dest dan û 7 kes jî birîndar bûn.

 

Li gorî agahiyên Ajansa ANHA'yê balafireke xwekuj a girêdayî dewleta Tirk navenda bajarê Til Rifetê bombebaran kir. Li gorî agahiyên destpêkê, di êrişê de 7 welatî birîndar bûn û 2  kes jî jiyana xwe ji dest dan. 

 

Li gorî agahiyan welatiyê bi navê Reşîd Elîko (28) jiyana xwe ji dest daye û nasnameya din jî hêj nayê zanîn.

 

Navên birîndaran jî wiha ne:

 

* Hisên Murad Qerokî (13)

 

* Fatima Osman Mamo (21)

 

* Menan Reşîd Hisên (57)

 

* Egîd Fexrî Şêxo (32)

 

* Semîr Ebdulqadir Reşo (31)

 

* Zûhêr Ebdurehman Mihemed (36)