STENBOL - Dê bi munasebeta 7'emîn salvegera Komkujiya Pirsûsê li gelek bajaran çalakiyên bibîranînê bên lidarxistin. Dê li Îzmîr û Stenbolê jî "Zincîrên edaletê" bên çêkirin. 

 

Di encama êrişa bombeyî ya DAIŞ'ê ya di 20'ê Tîrmeha 2015'an a li Pirsûs a Rihayê de 33 ciwan hatibûn qetilkirin. Di çarçoveya 7'emîn salvegera Komkujiya Pirsûsê de li gelek bajaran dê çalakiyên bîranînê bên lidarxistin. 

 

Di vê çarçoveyê de di 17'ê Tîrmehê de li Stenbolê, di 18'ê tîrmehê de jî li Îzmîrê bi dirûşma "Ji bo Pirsûsê em li zincîra edaletê tên ba hev" çalakî bên lidarxistin. 

 

Roj û saetên çalakiyên bibîranînê yên ji bo Komkujiya Pirsûsê wiha ne: 

 

Dê îro panel bê lidarxistin

 

Federasyona Komeleyên Ciwanên Sosyalîst (SGDF) dê li Îzmîrê saet di 19.00'an de bi dirûşma "Kampanyaya avakirinê ya Kobanê û têkoşîna edaletê ya 7 salan" li avahiya HDP'ê ya bajêr panelekê li dar bixe. 

 

Dê sibehê zincîra edaletê bê kirin

 

Dê saet di 16.00'an de li pêşiya Bendergeha Beşîktaş a Kadikoyê çalakiya zincîra edaletê pêk bîne. 

 

Înîsiyatîfa Malbatên Pirsûsê, Platforma Edalet ji bo Pirsûsê û Rêxistinên Ciwanan dê bi dirûşma “Hafizeya Tevgera Ciwanan: Komkujiya Pirsûsê” li Mala Çandê ya Ciwanan a Gunebakan a Enqereyê saet di 15.00’an de panelekî li dar bixe. 

 

18'ê Tîrmehê 

 

Dê saet di 18.00'an de li hemberî Bendergeha Karşiyaka ya Îzmîrê çalakiya zincîra edaletê bê lidarxistin. 

 

Platforma Edalet ji bo Pirsûsê dê saet di 15.00'an de bi dirûşma "Komkujiya Pirsûsê û têkoşîna edaletê" panelekê li dar bixe. 

 

19'ê Tîrmehê

 

Dê saet di 17.30'an de li Samsûnê bi pirsa "Em çima li Pirsûsê bûn?" li Tes-Îş’ê gotûbêj bê kirin.