Bersiva daxwaza ji bo Îmraliyê ya 'hevdîtina lezgîn' nehat dayin

  • 12:11 16 Adar 2021
  • Rojane
STENBOL - Parêzerên Rêberê PKK’ê Abdullah Ocalan duh bi daxwaza hevdîtina lezgîn a bi miwekîlên xwe re serî li Serdozgeriya Komarê ya Bûrsayê û Wezareta Dadê dan. Heta niha bersiva serlêdanê nehatiye dayîn. 
 
Ji parêzerên Rêberê PKK’ê Abdullah Ocalan, Mazlûm Dînç, Raziye Ozturk, Îbrahîm Bîlmez û Newroz Ûysal duh têkildarî îdiayên li ser medya civakî hatin belavkirin ji bo bi miwekîlên xwe re hevdîtin bikin, bi awayekî lezgîn serî li Serdozgeriya Komarê ya Bûrsayê û Wezareta Dadê dabûn. Parêzeran daxwaz kiribûn ku bi lezgînî Abdullah Ocalan bi malbat û parêzerên xwe re hevdîtin bike. Lê heta niha jî ne bi erênî û ne jî bi neyînî bersiva serlêdana parêzeran nehatiye dayîn.