AMED - DFG’ê rapora xwe ya meha sibatê aşkera kir û li gorî raporê 6 rojnameger hatine binçavkirin, rojnamevanek hatiye girtin û li 6 rojnamegeran jî 26 sal ceza hatiye birîn. 

 

Komeleya Rojnamevanan a Dîcle Firatê (DFG) têkildarî binpêkirina mafê rojnamevanan a rapora xwe ya meha sibatê aşkere kir. Di raporê de hat gotin zextên li ser rojnamevanan bênavber berdewam dikin û hema bêje rojek ku rojnamevan neyên binçavkirin, neyên girtin, lêpirsîn dest pê neke û doz venebe, ceza li wan neyê birîn, sîxurî li wan neyê ferzkirin û bi gef û êrişan re rûbirû nemînin nîne. 

 

DFG’ê diyar kir ku di meha sibatê de 6 rojnamevan hatine binçavkirin, rojnamevanek hatiye girtin û li 6 rojnamevanan jî 26 sal ceza hatiye birîn.