Çalakiya xelkê Şengalê 90 roj in didome

  • 11:27 1 Adar 2021
  • Rojane
 
ŞENGAL - Çalakiya xelkê Şengalê ya li dijî peyaman di navbera Hewlêr û Bexdayê de û ji bo xwedîderketina Asayîşa Êzidxanê hatî destpêkirin di roja 90’î de berdewam dike.
 
Xelkê Şengalê, li dijî peymana Bexda û Hewlêrê ya li ser Şengalê û ji bo xwedîderketina li Asayişa Êzidxanê, li pêşiya Navenda Asayişa Şengalê bi dirûşma “Em hemû asayiş in” kon vedan. Çalakî 90 roj in ji hêla meclis û saziyên Şengalê ve tê berdewamkirin.
 
Xelkê Şengalê kom bi kom serdana konê dikin û pişgiriya xwe ya ji bo çalakiyê tînin ziman. Şengalî diyar dikin ku heya daxwaza wan pêkneyê, ew ê dev ji çalakiya xwe bernedin.