ENQERE - Meclîsa Jinê ya HDP'ê bi dirûşma "Li dijî tundiya mêr-dewletê em têkoşîn in" ew ê di 7'ê Mijdarê de starta 25'ê Mijdarê bide. Meclîsa Jinê ya HDP'ê plansaziya çalakiyên xwe yên 25'ê Mijdarê eşkere kir. 

 

Meclîsa Jinê ya Partiya Demokratîk a Gelan (HDP) bi dirûşma "Li dijî tundiya mêr-dewletê em têkoşîn in" ew ê di 7'ê Mijdarê de li bajarên pîlot ên hatine diyarkirin, starta 25'ê Mijdarê Roja Têkoşîna li Dijî Tundiya li ser Jinê, bide. Meclîsa Jinê di vê çarçoveyê de ew ê çalakiyên mîna; platformên jinan, meşên hevpar ên rêxistinên cuda, xebatên xweser, daxuyanî, kuçeyan, pêşandana sînevîzyonê, panel, semîner, gund, serdanên malan bên lidarxistin. Ew ê parlamenter û endamên Meclîsa Jinê beşdarî van çalakiyan bibin. 

 

Li gor bernameya Meclîsa Jinê ew ê startên 25'ê Mijdarê bi daxuyaniyên hemdemî di 7'ê Mijdarê de li Gever, Bazidê, Pirsûsê û Cizîrê bên dayin. 

 

Cihên ew ê di 7'ê Mijdarê de daxuyanî lê bên dayin û parlamenterên ew ê beşdar bibin wiha ne:

 

*Gever: Feleknas Ûca, Semra Guzel 

 

*Bazid:Leyla Guven, Dirayet Dilan Taşdemir, Şevin Coşkun, Muazzez Orhan.

 

* Pirsûs: Remziye Tosun, Ayşe Surucu, Meral Daniş Beştaş 

 

* Cizîr: Nûran Îmîr, Dersim Dag, Ayşe Acar Başaran

 

* Enqere: Filiz Kerestecioglu

 

* Mugla: Serpil Kemalbay

 

8'ê Mijdarê 

 

* Edene: Tulay Hatimogullari

 

* Stenbol: Huda Kaya, Zuleyha Gulum

 

* Kocaelî: Zuleyha Gulum 

 

24'ê Mijdarê 

 

Civîna Koma Jinê: Pervîn Bûldan

 

Ew ê Meclîsa Jinê heta meha mijdarê biqede çalakiyên xwe bidomîne, lê bernameya çalakiyên ew ê di 25'ê Mijdarê de bên lidarxistin hîn diyar nebûye.