Ronîda Hacî –Sorgul Şêxo 

 

HESEKÊ - Hevseroka Desteya Malbatên Şehîdan a Herêma Cizîrê Welîda Botî meha şehîdan li malbat û rêhevalên wan pîroz kir û got: "Şehîdên me rûmeta me ne."

 

Hevseroka Desteya Malbatên Şehîdan a Herêma Cizîrê Welîda Botî meha şehîdan li malbat û rêhevalên wan pîroz kir û got:"Me bi şehadetê xwe naskir ,em bi şehadetê bûn netew. Em ê ji bo axa xwe û azadiya xwe her dem li ser piya bin."

 

Welîda got:"Meha gulanê di dîroka me de meha şehîdan e. Me bi şehadetê xwe naskir ,em bi şehadetê bûn netew, partiya me xwedî bîngehek xurt û mîrasekî pîroz e, ji ber ku xwediyê vê partiyê şehîd in."

 

'Erka her mirovekî xwedî li nirxên şehîdan derbikeve û biparêze ye' 

 

Welîdayê di dewama axaftina xwe de got: "Ev serkeftin û deskeftiyên ku di şoreşa Rojava de me bi dest xistiye bi ked û xwîna şehîda ye. Di heman demê de ji bo parastina ax û azadiya gelan canê xwe feda kirin, ji bo wê jî erka her mirovekî ye ku xwedî li keda şehîdan derkeve û parastina nirxên pîroz bike."

 

'Hebûna gel bi keda şehîda ye' 

 

Welîdayê got: "Bi milyonan şopdarê rêka şehîd Heqî Kerar ji bo doza azadiyê gihaştin asta şehadetê. Rêxistina gel û ewlehiya ku tê de dijî bi keda xwîna şehîda ye. Niha jî em soza şopdariya xeta azadiyê di şexsê şehîd Heqî Karer de nû dikin .”

 

'Berpirsyarî û pêşengtiya herî mezin a malbatê şehîda ye' 

 

Welîdayê axaftina xwe wiha bi dawî kir:  "Em sersaxî ji hemû malbatê şehîdan re dixwazin, lê ji bo pêkanîna armanca, xwn û xeyalên şehîdan berpirsyartî û  pêşengtiya herî mezin a malbatê şehîdan e."